तालुका प्रतिनीधी :-झरी (जामनी) ज्ञानेश्वर आवारी
[88059 79173]
महाराष्ट्राचे माजी मुख्यमंत्री वसंतराव नाईक यांच्या जयंतीनिमित्त १ जुलै ते ७ जुलै पर्यंत वृक्ष लागवड सप्ताह संपूर्ण महाराष्ट्रात शासनातर्फे राबविला जातो. त्याच अनुषंगाने दरवर्षी प्रमाणे “आर्या इंटरनॅशनल स्कुल, मुकूटबन येथील वर्ग ३ री ते वर्ग १० वीच्या विद्यार्थ्यांनी वृक्षारोपण जनजागृती रॅलीचे आयोजन करण्यात आले.
यामध्ये मुकूटबन मार्केटमधील प्रत्येक दुकानात एक रोपटे देऊन फायदे सांगून जतन करण्यास सांगितले.तेव्हा सर्वांनीच या उपक्रमाचे कौतुक केले.विद्यार्थ्यांनी वेगवेगळ्या आशयाचे पर्यावरण संवर्धन उपदेश देणारे फलक बनवून रॅलीकडे मुकूटबन वासीयांचे लक्ष वेधले.
शाळेतर्फे वन विभाग कार्यालय मुकूटबन येथे वृक्षारोपण करण्यात आले तसेच मुकुटबन पोलीस स्टेशनमध्ये नव्यानेच रुजू झालेले ठाणेदार सुरेश मस्की यांचे मुख्याध्यापक तथा विद्यार्थ्यांनी रोपटं देऊन स्वागत करण्यात आले.आणि त्याचे वृक्षारोपण पोलीस स्टेशन परिसरात कर्मचाऱ्यांच्या उपस्थित करण्यात आले.यावेळी ठाणेदार सुरेश मस्की यांनी सदर उपक्रमाची प्रशंसा केली.
व विद्यार्थ्यांना चॉकलेट देण्यात आले.त्यानंतर ग्रामपंचायत कार्यालय मुकुटबन येथे वृक्षारोपण करण्यात आले यावेळी सरपंच मीना आरमुरवार आणि ग्रामसेवक निखिल येनुगवार ग्रा.प.सदस्य आणि ग्रा प.कर्मचारी उपस्थित होते.यावेळी शाळेचे मुख्याध्यापक व शिक्षक तसेच शिक्षकेतर कर्मचारी उपस्थित होते.
