गावातील असंख्य लहान मुलांनी उत्कृष्ठ नंदी बैलाना सजवून वाढवली तान्या पोळ्याची शान.
विदर्भ एस पि न्युज नेटवर्क:- मारेगांव,
मारेगाव तालुक्यातील कुंभा व वेगाव येथे काल दिनांक 15 सप्टेंबर 2023 रोज शुक्रवारला सायंकाळी 6 वाजताच्या सुमारास दोन्ही गावामध्ये ताना पोळा हा सण मोठ्या उत्साहात साजरा करण्यात आला.
कुंभा येथील व्यापारी मित्र मंडळ यांचे कडून दरवर्षी प्रमाणे याही वर्षी तान्या पोळ्याचे आयोजन करण्यात आले होते.गावातील ग्राम पंचायत कार्यालयाच्या समोरील बाजार वाडीच्या भव्य पटांगणात आयोजन करण्यात आले होते.या तान्ळा पोळ्यांमध्ये गावातील लहान मुलांनी सहभाग घेवून नंदी बैलाला छान सजवून गावातील बाजारवाडी मध्ये आणले होते.
तान्हा पोळ्या मध्ये त्यांना लकी ड्रॉ मधून 10 बक्षीस,वेशभूषा व नंदी सजावट असे बक्षीस ठरवले जाते,आणि त्याचे वितरण करण्यात येत असते तसेच कालच्या या कार्यक्रमाला प्रमुख पाहुणे म्हणून मारेगाव ठाण्याचे ठाणेदार जनार्धन खंडेराव यांची उपस्थिती लाभली तसेच कूंभा गावातील सरपंच अरविंदभाऊ ठाकरे,यांचे सह व्यापारी मित्र मंडळातील सदस्य यांनी कार्यक्रम यशस्वी होण्यासाठी परिश्रम घेतले.यावेळी गावातील असंख्य नागरिक उपस्थित होते.
तसेच वेगाव येथील ग्रामवासी यांचे तर्फे तान्या पोळ्याचे आयोजन करण्यात आले होते.गावातील तुकडोजी महाराज यांच्या पुतळ्याजवळ हा ताना पोळा भरविण्यात आला असून यामध्ये गावातील असंख्य छोट्या मुलांनी आप आपले नंदीबैलची उत्कृषठरित्या सजावट करुण तान्या पोळ्यातील उपस्थीत नागरिकांचे लक्ष वेधून घेतले.
या कार्यक्रम यशस्वी होण्यासाठी वेगाव येथील ग्रामस्थांनी अथक परिश्रम घेतले.या वेळी गावातील ज्येष्ठ नागरिकांन सह ग्रामवाशी मोठ्या संख्येने उपस्थित होते.
