सुरेश पाचभाई मारेगाव :- तालुक्यात आत्महत्येचे सत्र सूरूच आहे.काही दिवसाच्या विश्रांती नंतर आज आणखी एक आत्महत्या झाल्याने मारेगाव तालुका आता आत्महत्येसाठी प्रसिद्धीस येत आहे.आज दिनांक 22 मार्च 2023 रोज बुधवारला दुपारी 3 वाजताच्या सुमारास चोपण येथे घटना उघडकीस आली असुन प्रवीण महादेव खिरटकर वय सुमारे 35 वर्ष रा.चोपण असे किटकनाशक प्राशन करून आत्महत्या करणाऱ्या इसमाचे नाव आहे.
A 35-year-old young farmer from Chopan committed suicide by consuming pesticides.
तो चोपण येथे आपल्या कुटुंबियांसोबत राहत होता व शेती सह मोलमजुरी करून जीवन जगत होता.त्यांच्या वडीलांच्या नावाने हीवरा (मजरा) शेतशिवरात 3 एकर शेती आहे.गेल्या काही वर्षांपासून होत असलेली सततची नापिकी व उत्पन्नात होत असलेली घट यामुळे ते आर्थिक विवंचनेत असल्याने आत्महत्या केल्याची शक्यता आहे.तो आज सकाळी नेहमीप्रमाणे तो आपल्या शेतात पशुधनाला चारा पाणी करण्यासाठी गेला होता.
त्याने शेतात असलेल्या बंड्यात ठेवून असलेले प्रोपेक्स सुपर किटकनाशक प्राशन केले.त्यांचा लहान भाऊ शेतात येताच प्रवीण हा शेतातील बंड्यात निपचित पडून असल्याचे दिसताच घटना उघडकीस आली.त्याने लगेच प्रवीण याला मारेगाव येथील ग्रामीण रुग्णालयात उपचारासाठी दाखल केले.पण प्रकृती चिंताजनक असल्याने मारेगाव येथील डॉक्टरांनी त्याला पुढील उपचाराठी वणी येथे हलविण्याचा सल्ला दिला पण वणी येथील ग्रामीण रुग्णालयात उपारादरम्यान त्याचा मृत्यू झाला.
आत्महत्येमागील कारण अद्यापही अस्पष्ट असले तरी ही घटना नक्कीच मनाला चटका लावून जाणारी आहे.प्रवीण यांच्या पश्चात आई-वडील,एक भाऊ असा आप्त परिवार आहे.
असुन बातमी लिहे पर्यंत आत्महत्येचे नेमके कारण कडू शकले नाही.या प्रकरणाचा पुढील तपास मारेगाव पोलीस करत आहे.
