२ लाख २५ हजाराचा मुद्देमाल जप्त
स्थानिक गुन्हे शाखा यवतमाळ ची कारवाई
उपसंपादक झरी (जामनी) ज्ञानेश्वर आवारी
[88059 79173]
झरी जामनी तालुक्यातील पोलिस स्टेशन पाटण हद्दीतील ग्राम कोडपाखिंडी जंगल परिसरातील कोंबड बाजारावर धाड टाकुन २,२५,८६०/-रुपयाचा मुद्देमाल जप्त केला.स्थानिक गुन्हे शाखा,यवतमाळ यांनी सदर कारवाई केली.या पूर्वी पण त्याच कोंबड बाजारावर कार्यवाही करण्यात आली होती.
दिनांक १४/०१/२०२४ रोजी स्थानिक गुन्हे शाखेकडील पथक वणी येथे हजर असतांना गोपणीय माहिती मिळाली की,पाटण पो.स्टे. हद्दीतील ग्राम कोडपाखिंडी गावाचे बाजुला असलेल्या जंगलामध्ये सार्वजनिक ठिकाणी खुल्या जागेत काही इसम हे कोंबडयाच्या पायाला लोखंडी काती बांधुन त्याची झुंज लावुन त्यावर पैशांची बाजी लावुन हारजीतचा खेळ खेळवित आहेत अशी विश्वसनीय खबर मिळाल्याने पथकाने स्थानिक पोलीस स्टेशन मधील अंमलदार यांना सोबत घेवुन प्राप्त माहिती प्रमाणे ग्राम कोडपाखिंडी बाजूला असलेल्या जंगल परसिरात जावुन छापा कारवाई केली
असता गंगाधर अय्या आत्राम वय २५ वर्षे, रा. माडवा ,जिवन सुनिल मानकर वय २५ वर्षे, रा. कोडपाखिंडी,अनिल रामचंद्र पावडे वय ५६ वर्षे, रा. लहान पांढरकवडा,भिमराव धर्माजी पेंदोर वय ४४ वर्षे, रा. टेंबी , शंकर विठ्ठल आकुलवार वय ३० वर्षे, रा. माडवा , शंकर सुर्यभान बोपाटे वय ४१ वर्षे, रा. मारकी,आणि लक्ष्मण रामा आत्राम वय ४० वर्षे, रा. माडवा हे सर्व ता. झरी, हे मोक्यावर मिळुन आले नमुद इसमांचे झडतीमधुन नगदी १८७८०, रुपये, ४ नग लोखंडी काती व ०४ कोंबडे (झुंज लढवण्याकरीता वापरात आणलेले) तसेच ०७ नग मोटार सायकल असा एकुण २,२५,८६०/- रुपयाचा मुद्देमाल मिळुन आल्याने नमुद आरोपीतांविरुध्द पोलीस स्टेशन पाटण येथे महाराष्ट्र जुगार प्रतिबंध अधिनियम अन्वये गुन्हा नोंद करण्यात आला आहे.
सदरची हि कार्यवाही डॉ.पवन बन्सोड, पोलीस अधीक्षक यवतमाळ, पियूष जगताप, अपर पोलीस अधीक्षक, यवतमाळ, आधारसिंग सोनोने पोलीस निरीक्षक, स्था.गु.शा. यवतमाळ, यांचे मार्गदर्शनात सपोनि अतुल मोहनकर, स्था.गु.शा. यवतमाळ, सपोनि संदीप पाटील ठाणेदार पोस्टे पाटण, पोलीस अंमलदार योगेश डगवार, सुनिल खंडागळे, सुधिर पांडे, निलेश निमकर, रजनिकांत मडावी, सतिष फुके सर्व स्था.गु.शा. यवतमाळ तसेच पोलीस अंमलदार अमित पोयाम पो.स्टे. पाटण यांनी यशस्वीरित्या पार पाडली आहे.
