बातमी ऐका (Marathi Voice Reader)
छत्रपती संभाजीनगर: शाळेतील स्वातंत्र्यदिनाचा कार्यक्रम आटोपून पाच वर्षांची चिमुकली घरी परतली. तेव्हा एका रिक्षाचालकांनं तिला गाठलं आणि परिसरात ती एकटीच असल्याचं हेरून चॉकलेट देण्याचं आमिष दाखवत आक्षेपार्ह लैंगिक गैरकृत्य केलं. छत्रपती संभाजीनगरातून ही संतापजनक घटना उघडकीस आली आहे. याप्रकरणी पीडित पालिकेच्या आईनं थेड सातारा पोलीस ठाणं गाठलं. पोलिसांनी तातडीने सूत्रे हलवली आणि आरोपी रिक्षाचालक दत्तात्रेय अप्पाराव मोकासे (वय 47, रा. कांचनवाडी) याला अटक केली.
नेमकं घडलं काय?
मिळालेल्या माहितीनुसार, चिमुकली तिच्या आई-वडिलांसह सातारा पोलीस ठाण्याच्या हद्दीत राहते. ती बालवाडीत जात असून तिची आई रोज तिला वर्गात सोडून परत आणत होती. 15 ऑगस्ट रोजी दुपारी ही चिमुकली शाळेत झेंडावंदन करून घरी परतली. तेव्हा परिसरात एकटीच होती. तेव्हा रिक्षाचालक आरोपी दत्तात्रेय मोकासे याने तिला जवळ बोलावून विश्वासात घेतलं. तसेच दुकानावरून चॉकलेट घेऊन देण्याचं आमिष दाखवलं. त्यानंतर तिला निर्मनुष्य परिसरात नेत तिच्यासोबत आक्षेपार्ह लैंगिक कृत्य केलं.
प्रसिद्ध युट्युबरची अकाली एक्झिट, मृत्यूनंतर दोघांना जीवनदान, ‘ती’ कृती पाहून सगळ्यांच्या डोळ्यांत पाणी, छ. संभाजीनगरात काय घडलं?
दरम्यान, मुलगी घरी परतली तेव्हा घाबरलेली होती. तिची अवस्था बघून आई आणि कुटुंबातील सदस्यांनी तिला विश्वासात घेऊन विचारपूस केली. तेव्हा काही वेळाने तिच्यासोबत घडलेला संतापजनक प्राकर सांगितला.
आईची पोलिसांत धाव
घडलेल्या प्रकारानंतर चिमुकलीची प्रकृती बिघडली. तिच्यावर उपचार करून आईने कुटुंबासोबत थेट पोलीस स्टेशन गाठले. घटनेचं गांभीर्य लक्षात घत पोलिसांनी बाल लैंगिक अत्याचार प्रतिबंधक कायद्यान्वये (पोक्सो) गुन्हा दाखल केला. तसेच मुलीने सांगितलेल्या वर्णनानुसार पोलिसांनी आरोपीचा शोध घेतला.
दरम्यान, मंगळवारी मोकासे हा पैठण रोड परिसरात असल्याची माहिती पोलिसांना मिळाली. त्यानंतर पोलीस उपनिरीक्षक निर्मला राख यांनी तत्काळ शोध घेऊन नराधम मोकासेच्या मुसक्या आवळल्या. बुधवारी त्याला न्यायालयात हजर करण्यात येणार असल्याचं अधिकाऱ्यांनी सांगितलं. मोकासे विवाहित असून त्याला मुलं शाळेत शिकत आहेत.
