खडकी बस स्टॉप जवळील घटना
सुरेश पाचभाई मारेगांव,
बोटोणी येथील लग्न समारंभ आटोपून आपल्या गावी सैदाबाद (कायर) येथे परत जात असतांना खडकी फाट्याजवळ रस्त्याच्या बाजूला उभ्या ट्रकला मागुन दुचाकीने जबर धडक दिली.यात दुचाकीस्वार चालक गंभीर जखमी झाल्याची घटना आज दि.२८ फेब्रुवारी २०२४ रोज बुधवारला सायंकाळी ७:३० वाजताच्या सुमारास घडली. अपघातात जखमी झालेल्या युवकाचे नाव मंगेश नत्थुजी आत्राम वय अंदाजे २२ वर्षे असे असून तो वणी तालुक्यातील सैदाबाद येथील राहिवासी आहे.
सविस्तर वृत्त असे की.
मंगेश हा नातेवाइकांच्या लग्नासाठी मारेगाव तालुक्यातील बोटोणी येथे आला होता.लग्नकार्य आटोपूण तो आपल्या गावाला सैदाबाद येथे परत जात असताना त्याच्या दुचाकीने खडकी बस स्टॉप जवळ उभ्या ट्रकला मागुन जबर धडक दिली.
या अपघातात मंगेश हा गंभीर जखमी झाला.अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच घटनेची माहिती मारेगाव पोलिसांना दिली. व त्यांला लगेच मारेगाव येथील ग्रामीण रुग्णालयात उपचारासाठी दाखल केले. पण तेथील डॉक्टरांनी प्रथम उपचार करून त्याला पुढील उपचारासाठी यवतमाळ येथे स्थलांतरीत केल्याची माहिती आहे.या प्रकरणाचा पुढील तपास मारेगाव पोलीस करत आहे.
