रामेश्वर येथील घटना.
मारेगांव तालुका प्रतिनिधी:-गजनान देवाळकर
[8888721480]
मारेगाव तालुक्यातील रामेश्वर येथील एका 44 वर्षीय अल्पभूधारक शेतकऱ्याने कीटकनाशक प्राशन केल्याची घटना काल रात्री 7:30 वाजताच्या सुमारास उघडकीस आली.
साविस्तर वृत्त असे की..
प्रमोद व्यंकटेश एकरे वय सुमारे 44 वर्ष रा.रामेश्वर असे आत्महत्या केलेल्या अल्पभूधारक शेतकऱ्याचे नाव असून प्रमोद हा काल दिनांक 5 जानेवारी 2022 रोज गुरुवरला सकाळी 10 वाजताच्या सुमारास नेहमी प्रमाणे शेतातील तुरी मोडण्यासाठी गेला होता.
तो सायंकाळ झाली तरी घरी नपरतल्या मुळे कुटुंबातील काही व्यक्तीनी गावात त्याचा शोधा-शोध घेतला पण तो आढळून आला नाही.नंतर त्यांनी शेतात शोध घेतला असता शेतातील गोठ्यात प्रमोद हा विषारी कीटकनाशक प्राशन करून पडलेल्या अवस्थेत आढळला त्यांनी लगेच त्याला मारेगांव येथील ग्रामीण रुग्णालयात दाखल केले.
पण तेथील डॉक्टरांनी त्याला मृत घोषित केले.त्याचे नावाने येथे 2 एकर शेती असल्याची माहिती प्राप्त झाली आहे.तो शेती करून आपल्या कुटुंबाचा उदरनिर्वाह करायचा या वर्षीचा अतिवृष्टी मुळे झाल्येल्या नुकसानी मुळे चिंतेत असताना त्यांनी हा टोकाचा निर्णय घेतल्याची चर्चा आहे.
मृतक शेतकरी प्रमोद याच्या पश्चात आई,वडील,पत्नी व दोन मुले असा आप्त परिवार आहे.या घटनेने रामेश्वर गावात शोकाकुळ पसरली आहे.या घटनेच्या पुढील तपास ठाणेदार राजेश पुरी यांच्या मार्गदर्शनात मारेगांव पोलीस करत आहे.
