तहसीलदाराच्या तक्रारीने हेरांचे धाबे दणाणले
सुरेश पाचभाई मारेगाव,
रेती माफिया तसेच तस्करांना मदत करणाऱ्या त्यांच्या गुप्तहेरांवर कारवाई करण्यात यावी यासंबंधीची तक्रार मारेगावचे तहसीलदार उत्तम निलावाड यांनी पोलीस स्टेशनला दिली आहे.
मारेगाव तालुक्यात मोठ्या प्रमाणात रेतीची तस्करी होत असते.आजपर्यंत अनेक रेती तस्करी करणाऱ्या वाहनांवर मारेगाव तहसीलदार तसेच त्यांच्या टीमने कारवाई केलेली आहेत. सततच्या कारवाया होत असून सुद्धा रेती तस्करी मात्र कमी झालेली नाही. कालच तहसीलदार यांनी मारेगाव तालुक्यातील दापोरा पुलावर रेतीची अवैध तस्करी करणाऱ्या ट्रॅक्टरला आणि जेसीबीला पकडले.
त्यांच्यावर कारवाई सुद्धा केली.परंतु ही कारवाई होण्यापूर्वी त्यांना दोन दुचाकी वाहनचालकांनी मधातच अडवून त्यानी एवढ्या रात्री कुठे चाललात आपण कोण?अशी विचारणा केली त्यामुळे हे रेती तस्करांचे गुप्तहेर असावे असा संशय आला आणि तो संशय खरा होता.त्यामुळे त्यांनी अशा गुप्तहेरांवर आपण तात्काळ कारवाई करावी अशी मागणी तहसीलदार उत्तम निलावाड यांनी पोलीस स्टेशन मारेगाव यांना दिलेल्या तक्रारीत केलेली आहे.