मारेगाव ते करंजी राज्य महामार्गावरील करणवाडी जवळील नायरा पेट्रोल पंपासमोरील घटना
सुरेश पाचभाई संपादक:-विदर्भ एस.पी.न्यूज नेटवर्क मारेगाव,
मारेगाव येथून नवरगाव येथे आपल्या चुलत भावाच्या मयतीसाठी दुचाकीने जात असताना करणवाडी जवळील नायरा पेट्रोल पंपासमोरील पुलाजवळ त्यांच्या दुचाकीने ट्रकला मागून धडक दिली.यात दुचाकीस्वार चालक गंभीर जखमी झाला.ही घटना आज दिनांक १८ एप्रिल २०२४ रोजी गुरुवारला सायंकाळी ८:३० वाजताचे दरम्यान घडली.
यशवंत नामदेव डवरे वय अंदाजे ४८ वर्ष रा.ता.मारेगाव असे अपघातात जखमी झालेल्या व्यक्तीचे नाव आहे.मारेगाव येथील यशवंत हे आज रात्री नवरगाव येथे चुलत भावाच्या मयतीसाठी जात असताना करणवाडी जवळील नायरा पेट्रोल पंपा समोरील पुलाजवळ ट्रकला मागुन जोरदार धडक दिली.
या अपघातात यशवंत हे गंभीर जखमी झाले असून त्याचा अपघात घडताच रस्त्याने येजा करणाऱ्या काही नागरिकांनी मदत करत त्याला लगेच मारेगाव येथील ग्रामीण रुग्णालयात दाखल केले.तिथे त्याच्यावर प्राथमिक उपचार करून त्याला पुढील उपचार साठी चंद्रपूर येथे पाठवण्यात आल्याची माहिती आहे.सदर घटनेची माहिती मिळताच मारेगाव पोलीस घटनास्थळी दाखल झाले असून या अपघाताचा पुढील तपास मारेगाव पोलीस करीत आहे.
