मारेगाव ते करंजी राज्य महामार्गावरील गोविंद कोटेक्स समोरील घटना
सुरेश पाचभाई संपादक:-विदर्भ एस.पी.न्यूज नेटवर्क मारेगाव,
मारेगावकडून करंजीकडे जात असलेल्या भरधाव पिकपचा टायर फुटल्यामुळे पिकअप एका दुचाकीला धडकली.यात दुचाकीस्वार जागीच ठार झाल्याची घटना गोविंद राजा कोटेक्स जवळ घडली असुन ही घटणा आज दिनांक १९ एप्रिल २०२४ रोजी शुक्रवारला रात्री ८:३० वाजताचे दरम्यान घडली.
रवींद्र हरिदास कोरझरे वय अंदाजे ३५ वर्ष रा.सालेभट्टी ता.मारेगाव असे अपघातात जागीच ठार झालेल्या दुचाकीस्वार व्यक्तीचे नाव आहे.तो नरसाळा येथील खदान येथे ट्रक ड्रायव्हर म्हणून काम करत असल्याची माहिती आहे.दिवसभर ट्रकवर काम करून सायंकाळी आपल्या दुचाकीने नरसाळा येथून सालेभट्टी येथे जात असताना गोविंद राजा कोटेक्स जवळ पिकचा टायर फुटल्यामुळे पिकअपने त्याच्या दुचाकीला धडक दिली.
यात त्याच्या डोक्याला गंभीर दुखापत झाली व त्याचा जागीच मृत्यू झाला.रस्त्याने येजा करणाऱ्या काही नागरिकांनी याची माहिती लगेच मारेगाव पोलिसांना दिली.माहिती मिळताच मारेगाव पोलीस घटनास्थळी दाखल झाले घटनास्थळ पंचनामा करून त्याचा मृतदेह उत्तरीय तपासणीसाठी मारेगाव येथील ग्रामीण रुग्णालयात हलविण्यात आला आहे.या अपघाताचा पुढील तपास मारेगाव पोलीस करीत आहे.रवींद्रच्या पश्च्यात पत्नी आणि तीन मुली आहेत.
