बाल लैंगिक अत्याचार पोक्सो अंतर्गत आरोपीला अटक.
गजानन आसुटकर मारेगाव:- तालुक्यांतील एका गावातील शौचास गेलेल्या एका अल्पवयीन मुलीला बळजबरीने पळवून नेऊन तिच्यावर अत्याचार केल्या प्रकरणी एका तरुणाला पोलिसांनी गजाआळ केले आहे.मारेगाव तालुक्यात ही घटना घडली असुन मुलीला प्रेमाच्या जाळ्यात अडवून तिच्यावर वारंवार अत्याचार केल्याचे समोर आले.रविवारी रात्री या जोडप्याला वणी तालुक्यातील मेंढोली येथून पोलिसांनी ताब्यात घेतले.
17 वर्षीय पीडिता हि मारेगांव तालुक्यातील एका गावात राहते.मुलगी शनिवारी दिनांक 11 मार्च 2023 रोज शनिवारला संध्याकाळी 7 वाजताच्या सुमारास ती शौचास गेली होती.मात्र बराच वेळ झाला तरी मुलगी घरी आली नाही.त्यामुळे त्यांनी मुलीला कॉल केला.
मात्र तिचा मोबाईल बंद होता.त्या मुळे पालकांनी आजूबाजुला शोधा शोध घेतला मात्र तिचा शोध लागला नाही.दरम्यान मुलीचे एका तरुणासोबत प्रेम प्रकरण असल्याची माहिती पालकांना मिळाली.त्यांने जबर दस्तीने मुलीला गाडीवर बसून नेल्याची त्यांना माहिती मिळाली.
रात्री उशिरापर्यंत मुलीचा पत्ता न लागल्याने मुलीच्या वडिलांनी मारेगाव पोलीस ठाणे गाठले.मुलीच्या अज्ञानाचा फायदा घेत अज्ञात व्यक्तीनी फूस लावून पळवून नेल्याची तक्रार त्यांनी दाखल केली.मारेगाव पोलिसांनी शोध घेतला असता त्यांना मुलीचे संदीप परशराम धुर्वे वय सुमारे 28 वर्ष नामक एका तरुणाशी प्रेम प्रकरण असल्याची माहिती मिळाली.
तांत्रिक मदत घेऊन मुलीचा शोध घेतला असता त्यांना सदर जोडपे हे वणी येथून बुरांडा (ख) येथे मुलाच्या नातेवाइकांच्या घरी एक रात्र थांबले व दुसऱ्या दिवशी वणी तालुक्यातील शिरपूर जवळील मेंढोली येथे असल्याची माहिती मिळाली.पोलीस पथकाने तात्काळ मेंढोली जात रविवारी रात्री या जोडप्याला ताब्यात घेतले.
मुलीला विश्वासात घेऊन विचारणा केली असता मुलीने संपूर्ण प्रकरणाची सविस्तर माहिती दिली.शनिवारी दिनांक 11 मार्च 2023 रोज शनिवारला संध्याकाळी 7 वाजताच्या सुमारास मुलगी शौचास गेली होती.दरम्यान मुलीची वाट आरोपी संदीपने रोखली व तिला तुझ्याशी बोलचे असल्याच्या बहाण्याने दुचाकीवर बसवले.
तिला घेऊन तो थेट वणी येथे घेवुन गेला.तिथून बुरांडा (ख) येथे एक रात्र थांबले त्या नंतर तो मेंढोली येथे मुलीला घेऊन गेला व त्याने मुलीवर अत्याचार केला,तसेच गावातही आरोपीने अनेकदा बलात्कार केला,अशी माहिती तिने पोलिसांना दिली.
अल्पवयीन मुलीवर झालेल्या अत्याचार प्रकरणी पोलिसांनी आरोपी संदीप धुर्वे याच्यावर भादंविच्या कलम 363,कलम वाढ 376, 376(1)(A), 376(2) (N) सह कलम 4,6 पोक्सो (बाल लैंगिक अत्याचार संरक्षण) कायद्या नुसार गुन्हा दाखल केला आहे.
या प्रकरणाचा पुढील तपास ठाणेदार राजेश पुरी यांचे मार्गदर्शनाखाली उप पो.नि.ज्ञानेश्वर सावंत व एन.पि.सि.शंकर बारेकर करीत आहे.
