सुरेश पाचभाई | मारेगाव
मारेगाव तालुक्यात शिवसेना (शिंदे गट) पक्षाच्या वतीने आयोजित पक्षप्रवेश कार्यक्रमात ३६ युवकांसह अनेक कार्यकर्त्यांनी पक्षात प्रवेश केला. यवतमाळ येथील आर्णी रोडवरील सम्राट हॉटेल येथे झालेल्या या कार्यक्रमास जिल्ह्याचे पालकमंत्री संजय राठोड यांची प्रमुख उपस्थिती होती.
शिवसेना तालुकाप्रमुख विशाल किन्हेकार यांच्या नेतृत्वाखाली झालेल्या कार्यक्रमात विविध गावांतील युवकांनी आणि काही पदाधिकाऱ्यांनी पक्षाचा झेंडा हाती घेतला. यावेळी पक्षाच्या स्थानिक संघटनात्मक विस्तारावर भर देण्यात आला.मयूर ठाकरे, अरुण आस्कर, किशोर मंदे, चेतन चामाटे, गोविंद माढरे, अनिल चिंचोलकर, प्रज्योत गाऊत्रे आणि रक्षित शेंडे यांच्यासह अनेक कार्यकर्त्यांनी शिवसेनेत प्रवेश केला.
कार्यक्रमात आशिष कुळसंगे,जीवन काळे, संजय आवारी, किसन पाटील मत्ते, प्रशांत भंडारी, योगेश नागोसे, सतीश खोके, राजू ठेंगणे आणि धनराज भट्ट यांच्यासह विविध पदाधिकारी उपस्थित होते.कार्यक्रमादरम्यान पक्षाच्या वतीने विकासकामे, जनसंपर्क आणि संघटन बळकटीसंदर्भात भूमिका मांडण्यात आली.
तालुकाप्रमुख विशाल किन्हेकार यांनी मारेगाव तालुक्याच्या विकासासाठी आणि नागरिकांच्या प्रश्नांच्या निराकरणासाठी पक्ष कटिबद्ध असल्याचे सांगितले.पहापळ व मारेगाव परिसरातील युवकांच्या सहभागामुळे स्थानिक पातळीवर शिवसेनेची संघटनात्मक ताकद वाढण्यास मदत होईल, अशी अपेक्षा व्यक्त करण्यात आली.
आगामी स्थानिक स्वराज्य संस्था निवडणुकांच्या पार्श्वभूमीवर या पक्षप्रवेश कार्यक्रमाकडे राजकीय वर्तुळाचे लक्ष लागले आहे.दरम्यान, या पक्षप्रवेशामुळे तालुक्यातील राजकीय समीकरणांवर काय परिणाम होईल, याबाबत विविध स्तरांवर चर्चा सुरू असून त्याचे चित्र आगामी काळात स्पष्ट होणार आहे.
