सुरेश पाचभाई मारेगांव
मारेगाव तालुक्यातील बोरी( गदाजी )येथील सुमारे 32 वर्षीय युवकाची गावाजवळील नाल्यामध्ये असलेल्या पाणी पुरवठ्याच्या विहिरीत उडी घेऊन आपली जीवनयात्रा संपविल्याची घटना आज दिनांक 17 ऑक्टोंबर 2024 रोज गुरुवारला सकाळी अंदाजे 11 वाजताच्या सुमारास उघडकीस आली.
प्रीतम सुरेश सिडाम अंदाजे वय 32 वर्ष असे विहिरीत उडी घेऊन आत्महत्या केलेल्या युवकाचे नाव असुन प्रीतम हा रोज मजुरी करून आपल्या कुटुंबाचा उदरनिर्वाह करत होता.
सदर घटनेची माहिती मारेगाव पोलिसांना मिळताच पोलीस लगेच घटनास्थळी दाखल झाले व घटनास्थळ पंचनामा करून प्रितम यांचा मृतदेह उत्तरीय तपासणीसाठी मारेगांव येथील ग्रामीण रुग्णालय पाठविण्यात आला.
त्याच्या आत्महत्यामुळे परिसरात व गावात हळहळ व्यक्त केली जात आहे. मृतक प्रीतम यांच्या पश्चात आई, पत्नी, तीन मुले असा आप्तपरीवार आहे. प्रीतम याच्या आत्महत्येचे कारण अस्पष्ट आहे.या प्रकरणाचा पुढील तपास ठाणेदार संजय सोळंके यांचे मार्गर्शनाखाली जामदार दत्तू किनाके करत आहे.