– वाहनाच्या लांबच लांब रांगा
– वाहतुक विस्कळीत
– सुरेश पाचभाई मारेगाव,
मारेगाव :- कोसारा रेती घाटाची सखोल चौकशी करून शासनाचा महसूल बुडवणाऱ्या दोषी तहसीलदार व महसूल अधिकाऱ्यावर कारवाई करण्यात यावी या मागण्या घेऊन काल दि.6 फेब्रुवारी 2024 रोजी शिवसेनेच्या वतीने डॉ. बाबासाहेब आंबेडकर चौक मारेगाव येथे दुपारी २ वा. ” चक्का जाम आंदोलन ” करण्यात आले.
तालुक्यात एकमेव असलेल्या कोसारा डेपो मधून रेती उपसा करण्यात आला. मात्र, तालुक्यातील लाभार्थ्यांना रेती मिळन्यास भरपूर अडचणी येत आहेत.तालुक्यातील लाभार्थ्यांना रेती मिळावी.रेती मिळत नसल्यामुळे गवंडी कामगार, मजूर, बिल्डिंग मटेरियल व्यांवसायिकांवर उपासमारीची वेळ आली आहे.
तसेच घरकुल लाभार्थी वाळूसाठी वणवण फिरत असताना मात्र, प्रशासन नुसतीच बघ्याची भूमिका घेत होते.
त्यामुळे कोसारा रेती घाटाची सखोल चौकशी करुन तहसिलदार व महसुल अधिकाऱ्यावर कारवाई करण्यात यावी अशी मागणी शिवसेना (शिंदे गट) यांच्यातर्फे १९ जानेवारी रोजी पत्रकार परिषद घेत तालुका प्रमुख विशाल किन्हेकार यांनी केली होती.
याबाबत चौकशी व कारवाई केली नाही तर मारेगावात चक्का जाम आंदोलन करण्यात येइल असा थेट ईशाराही देण्यात आला होता. मात्र प्रजासत्ताक दिनाचा सन्मान ठेवत दि.२६ जानेवारीला होणारे “चक्का जाम आंदोलन” स्थगित करण्यात आले होते.
मात्र आजपावेतो प्रशासनास दिलेल्या मागणी निवेदनावर कुठलीही ठोस कार्यावाही झाली नसल्याने काल दि .६ फेब्रु. रोज मंगळवारला डॉ. बाबासाहेब आंबेडकर चौक येथे दुपारी २ वा. ” चक्का जाम आंदोलन ” करण्यात आले.या आंदोलनामध्ये शिवसेना तालुका प्रमुख विशाल किन्हेकार यांचे नेतृत्वात विजय मेश्राम,सुरेश लांडे,अमोल मत्ते,राजू खडसे, धिमा जाधव, प्रवीण विकनकर, भोजराज मस्की, प्रशांत वंनारी, हरीश परचाके, जीवन वैद्य,राजू ठक, उमेश उलमाले यांचे सह अनेक कार्यकर्ते मोठ्या संख्येने हजर होते.