ढोल ताशांच्या गजरात काढली गावातुन भव्य मिरवणूक
शिवगर्जना प्रतिष्ठान समिती खापरी यांचे आयोजन
प्रमोद रा.मेश्राम मारेगाव,
मारेगांव:-तालुक्यातील खापरी येथे दिनांक १९ फेब्रुवारी २०२५ रोज बुधवारला छत्रपती शिवाजी महाराज जयंती मोठ्या उत्सवात साजरी करण्यात आली.
सायंकाळी ६ वाजताच्या सुमरास गावातील मेन चौकात शिवजन्मोत्सव निमित्त शिवगर्जना प्रतिष्ठान समिती खापरी यांच्या वतीने छत्रपती शिवाजी महाराजांच्या प्रतिमेचे पूजन करण्यात आले.त्या नंतर गावातील विद्यार्थ्यांना एम.पी.एस.सी.,यू.पी.एस.सी. स्पर्धा परीक्षेचे पुस्तक वाटप करण्यात आले.
यावेळी शिवभक्त इंजिनियर सुरेश पाचभाई यांनी गावातील विद्यार्थ्यांना स्पर्धा परीक्षेचा अभ्यास करून अधिकारी होऊन गावाचे व तालुक्याचे नाव मोठे करा असे आवाहन केले.सुरेश पाचभाई यांचे कडून व वनविभाग,पोलीस स्टेशन मारेगाव तर्फे शिवजयंती निमित्त काही पुस्तक मंडळाला देण्यात आली.यावेळी गावातील असंख्य नागरिक उपस्थित होते.
सायंकाळी ७ वाजता ढोल ताशांच्या गजरात गावात भव्य शिवजन्मोत्सव मिरवणूक काढण्यात आली. शिवरायांच्या जयघोषणी अख्ख गाव दुमदुमले होते खापरी येथे शिवगर्जना प्रतिष्ठान समिती यांचे वतीने ही मिरवणूक काढण्यात आली.यावेळी गावातील ज्येष्ठ नागरिक, युवक, युवती व महिला मोठ्या संख्येने उपस्थित होते.
