मारेगाव येथील घटना
सुरेश पाचभाई मारेगाव
मारेगाव येथील गिरसावळे लेआउट प्रभाग क्रमांक 16 मधील इंजिनियर पदावर असलेल्या उच्चशिक्षित युवतीने स्वतःचे राहते घरी गळफास घेऊन आपली जीवन यात्रा संपविल्याची घटना आज दिनांक 8 मे 2025 रोज गुरुवारला सकाळी 7 वाजताच्या सुमारास उघडकीस आली.
कु.दिक्षा केशव उमरे वय अंदाजे 27 वर्षे रा. मारेगाव असे गळफास घेवून आत्महत्या केलेल्या तरुणीचे नाव आहे.
दिक्षा ही अभियांत्रिकीचे शिक्षण पूर्ण करुन औरंगाबाद येथे एका कंपनीत नौकरी करत असल्याची माहिती आहे.दिक्षाने टोकाचे पाऊल उचलत स्वतःचे राहते घरी बेडरूम मध्ये पंख्याला ओढणीच्या साह्याने गळफास घेऊन आपली जीवन यात्रा संपविली.सकाळच्या सुमारास कुटुंबियाच्या लक्षात येताच सदर घटना उघडकीस आली.
कुटुंबीयांनी सदर घटनेची माहिती लगेच मारेगाव पोलिसांना दिली.माहिती मिळतात मारेगाव पोलीस घटनास्थळी दाखल झाले घटनास्थळ पंचनामा करून मृतदेह उत्तरीय तपासणीसाठी मारेगाव येथील ग्रामीण रुग्णालयात पाठविण्यात आला.तिच्या आत्महत्येचे नेमके कारण बातमी लिहेपर्यंत कळू शकले नाही.
दिक्षाच्या पश्चात आई, सेवानिवृत्त वडील व एक लहान बहीण असा प्राप्त परिवार आहे. सदर घटनेने मारेगाव शहरात हळहळ व्यक्त केली जात आहे. या घटनेचा पुढील तपास ठाणेदार संजय सोळंके यांचे मार्गदर्शनात जमदार आनंद अलचेवार करीत आहे.
