सुरेश पाचभाई मारेगाव
मारेगाव तालुक्यातील बोटोनी सध्या राहणार कोंढवा बु.पुणे येथील सात वर्षीय हिंदरत्न कु.मनस्वी विशाल पिंपरे ही आंतरराष्ट्रीय स्केटिंग पटू आहे.
हिने गिनीज वर्ल्ड रेकॉर्डसह अन्य 24 बुक ऑफ वर्ल्ड रेकॉर्ड केले असून,विविध स्केटिंग स्पर्धामध्ये 114 गोल्ड मेडल,17 विविध स्तरावरील पुरस्कार आणि नॅशनल स्केटिंग चॅम्पियन अशा स्केटिंग मधील अष्टपैलू कामगिरी करणाऱ्या मनस्वीला भविष्यात स्केटिंग मधुन आंतरराष्ट्रीय स्तरावर चमकदार कामगिरी करण्यासाठी Inline Skate गरजेचे आहे.
परंतु मनस्वीचे वडील स्वतः एका पायाने अपंग असुन पुणे येथे छोटासा व्यवसाय करतात आर्थिक बाजू जेमतेम असून तीच्या स्केटिंग खेळाकरीता आर्थिक खर्च खुप जास्त आहे,हि सर्व परिस्थिती लक्षात घेऊन खा.सौ. सुप्रियाताई सुळे यांनी मनस्वीला आंतरराष्ट्रीय दर्जाचे एक लाख 30 हजार रु. किमतीचे Inline Skate Kit मदत म्हणून देण्यात आले, त्याकरिता पवार पब्लिक चॅरीटेबल ट्रस्टच्या माध्यमातून आणि खासदार सुप्रियाताई सुळे यांच्या वतीने हे स्केट पुणे येथे त्यांच्या स्व:हस्ते मनस्वीला देण्यात आले.
येणाऱ्या 2026 या वर्षात मनस्वी राष्ट्रीय स्केटिंग स्पर्धामध्ये यशस्वी होण्यासाठी प्रशिक्षक विजय मलजी सर यांच्या मार्गदर्शनाखाली मनस्वी स्केटिंगचे प्रशिक्षण घेत आहे.येणाऱ्या काळात एशियन गेम्स, जूनियर वर्ल्ड चॅम्पियनशिप असेच ऑलिंपिक सारख्या आंतरराष्ट्रीय स्केटिंग स्पर्धांमधून भारतासाठी सुवर्णपदके मिळावे यासाठी प्रयत्नशील आहे.
