अरविंदभाऊ ठाकरे सरपंच कुंभा यांचे हस्ते उदघाटन
शंकरपट बघण्यासाठी उसळणार अलोट गर्दी
सुरेश पाचभाई :- संपादक विदर्भ एस.पी.न्यूज नेटवर्क मारेगाव,
महाशिवरात्रीच्या पर्वावर नवरगाव येथे भव्य शंकरपटाचे आयोजन करण्यात आले आहे.या शंकरपटाला आज पासून सुरुवात होणार असून कुंभा येथील सरपंच अरविंदभाऊ ठाकरे यांचे हस्ते या शंकरपटाचे उदघाटन होणार आहे.मागील वर्षीचा अनुभव लक्षात घेता यावर्षी जय्यत तयारी करण्यात आली आहे. येथे प्रेक्षकांची अलोट गर्दी उसळणार आहे.
मारेगाव तालुक्यातील नवरगाव (धरण) येथे श्री कृष्ण तुळशी वृंदावन देवस्थान आहे.येथे दर वर्षी महाशिवरात्रीच्या दिवशी मंदिरात घटस्थापना करण्यात येते.काल दिनांक 14 मार्च 2024 रोज गुरुवारला दरवर्षी प्रमाणे याही वर्षी गोपालकाला संपन्न झाला व यात्रेला सुरुवात झाली.मागील वर्षी पासून या ठिकाणी भव्य शंकरपटाचे आयोजन कमिटी तर्फे करण्यात येत आहे.
हा शंकरपट बघण्यासाठी अलोट जनसागर उपस्थित असणार आहे.श्री क्षेत्र तुळशी वृंदावन देवस्थान नवरगांव धरण रजिस्टर नंबर ए-३९२ द्वारा १४ ते १८ मार्च पर्यंत येथे भव्य यात्रा उत्सवाचे आयोजन कमिटी तर्फे करण्यात आले आहे.या शंकरपटाला तालुक्यासह बाहेर जिल्ह्यातील नागरिकांची मोठ्या संख्येने उपस्थिती असते.
श्रीकृष्ण तुळशी वृंदावन देवस्थान कमिटी आणि सरपंच अरविंदभाऊ ठाकरे मित्र परिवाराची यात मोलाची कामगिरी व अथक परिश्रम असते. तसेच आज दिनांक १५ रोज शुक्रवार पासून सुरू होणारा हा भव्य शंकरपट दिनांक १७ मार्च रोज रविवार पर्यंत हा शंकरपट असणार आहे.यासाठी नागरिकांनी उपस्थित राहण्याचे आवाहन कमेटीतर्फे करण्यात आले.
