मेरी मिट्टी मेरा देश अंतर्गत जवानाचा सत्कार सोहळा संपन्न.
विदर्भ एस पि न्युज नेटवर्क: मारेगाव,
मारेगाव तालुक्यातील हटवांजरी येथे दिनांक 14 ऑगस्ट 2023 रोज सोमवारला सकाळी 9 वाजता ग्रामपंचायतच्या वतीने जिल्हा परिषद शाळा येथे सत्काराचे आयोजन करण्यात आले होते.
यावेळी देशाचे रक्षण करणारे सीमा सुरक्षा बलाचे दिलीप नानाजी आत्राम व केंद्रीय राखीव पोलीस बलाचे सुरेश आनंदराव कुडमेथे यांचा सत्कार करण्यात आला.भारतीय सेनेमध्ये देश सेवा करताना उन वारा पाऊस सहन करत व कुटुंबाला विसरून देशासाठी आपले जीवन समर्पित करण्यास तत्पर असणाऱ्या या जवानांचा गावाच्या वतीने सत्कार केला गेला.
यावेळी दोन्ही जवानांनी आपले मनोगत व्यक्त केले.यात त्यांनी आपली असलेली पोस्टिंग,कराव्या लागणाऱ्या मेहनतीचे फळ सुद्धा कसे मिळते हे सांगीतले.यावेळी मुख्याध्यापक एम. डी.ठाकरे यांनी आपले मनोगत व्यक्त केले.याप्रसंगी ग्रामपंचायत हटवांजरी यांचे वतीने अंगणवाडीतील मुलांना गणवेशाचे वाटप करण्यात आले.
या कार्यक्रमाचे संचालन तसेच प्रास्ताविक ग्रामसेवक कु.काकडे मॅडम यांनी केले तर आभार प्रदर्शन सुरेश आत्राम सर यांनी केले.या वेळी कार्यक्रमाला गावातील माजी सरपंच तुकाराम कुमरे,ग्रामसेवक कु.काकडे मॅडम,पोलीस पाटील अनिरुद्ध माथनकर अंगणवाडी सेविका धोबे मॅडम,ज्येष्ठ नागरीक दादारावजी टेकाम,
शैलेश ठक,एस.एस.आत्राम सर,डब्लू.एन आत्राम सर,आशा वर्कर चंदाताई घोडाम,ग्राम पंचायत कर्मचारी मोहन मशाखेत्री तसेच गावातील नागरिक मोठ्या संख्येने उपस्थित होते.
