मंगळवेढा न.पा.च्या निवडणुकीसाठी सात हजार मतांचे घेतले मॉकपोल:प्रशासकीय यंत्रणा लागली कामाला, 21 डिसेंबर रोजी मतमोजणी होणार‎

राज्य निवडणूक आयोगाचा सुधारित आदेशानुसार निवडणूक घेण्यासाठी प्रशासकीय यंत्रणा कामाला लागली असून मंगळवारी सकाळी १० ते सायंकाळी ६ वाजेपर्यंत पंढरपूर रोडवर असणाऱ्या शासकीय धान्य गोद्यामात मतदान यंत्र तयार करण्याची प्रक्रिया उमेदवार व उमेदवार चे प्रतिनिधी यांच्या समक्ष पार पडली. यावेळी नगर परिषदेचे निवडणूक निर्णय अधिकारी तथा तहसीलदार मदन जाधव, सहाय्यक निवडणूक निर्णय अधिकारी मनीषा मगर यांच्यासह अधिकारी व कर्मचारी उपस्थित होते. या मतदान यंत्र तयार करण्यासाठी प्रत्येक प्रभागासाठी एक वेळ टेबल लावण्यात आला होता. १० प्रभागासाठी १० टेबल लावण्यात आले होते. यावर ईव्हीएम मशीनमध्ये मतदान यंत्रे तयार केली जात होती. ७ ईव्हीएम मशीनवर प्रत्येकी १ हजार अशा पद्धतीने ७ हजार मतदानाचे मॉक पोल घेण्यात आले. यावेळी उमेदवाराची प्रतिनिधी यांनी मोठ्या प्रमाणावर गर्दी केली होती. नगरसेवक पदाचे उमेदवार उपस्थित होते. दि. २० डिसेंबर रोजी मतदान प्रक्रिया पार पडणार असून २१ डिसेंबर रोजी मतमोजणी होणार आहे. याकडे तालुक्याचे लक्ष लागले आहे. प्रतिनिधी | मोहोळ मोहोळ नगर परिषदेच्या १० प्रभागातील २० नगरसेवकासह १ नगराध्यक्ष निवडीसाठी दि.२ डिसेंबर रोजी मतदान प्रक्रिया पार पडली आहे. तर नामनिर्देशन पत्रास हरकती घेण्यात आलेली प्रभाग क्र ३ (अ) तर प्रभाग क्रमांक ५ (ब) मधील मतदान प्रक्रिया दि. २० डिसेंबर रोजी पार पडणार आहे. या दोन्ही वेळेत घेण्यात आलेल्या मतदानाची मतमोजणी दि.२१ डिसेंबर रोजी होणार आहे. मत मोजणीसाठी कर्मचाऱ्यांसाठी भोजन व्यवस्था, ४५ फूट रुंदी, लांबी २०० लांबी असा भव्य असा मंडप, स्टेज प्लॅटफॉर्मची,वेलवेट मॅटसह जय्यत तयारी प्रशासनाच्या वतीने करण्यात आले आहे. तालुक्यासह महाराष्ट्रात नगरपरिषद, नगरपंचायत निवडणूक प्रक्रिया दि.१० नोव्हेंबर रोजी नामनिर्देशन पत्र दाखल करण्याची प्रक्रिया सुरू झाली होती.दरम्यान मोहोळ नगर परिषदेच्या प्रभाग क्र ३ (अ) तर प्रभाग क्रमांक ५ (ब) या दोन प्रभागातील एक जागेसाठी नामनिर्देशन पत्रावर अपील दाखल करण्यात आली होती. मैंदर्गीत १ जागेसाठी स्थानिक विरुध्द भाजप लढत मंगळवेढा नगरपालिका निवडणुकीसाठी नगराध्यक्षपदासाठी ३ तर २० नगरसेवक पदासाठी १९ जण निवडणुकीच्या रिंगणात ५८ उभे आहेत. यापूर्वी भाजपाचे नगरसेवक पदाचे सोमनाथ आवताडे बिनविरोध निवडून आले आहेत. भाजपाच्या सुप्रिया जगताप व सुनंदा आवताडे, अपक्ष राजामती कोंडूभैरी यांच्यात तिरंगी लढत पहावयास मिळणार आहे.