बातमी ऐका (Marathi Voice Reader)
सातारा जिल्ह्यात सावरी या गावात राज्याचे उपमुख्यमंत्री एकनाथ शिंदे यांचे बंधू प्रकाश शिंदे यांच्या रिसॉर्टजवळ एका शेडमध्ये जवळपास 145 कोटींचे ड्रग्स आढळून आले. यावरून शिवसेना ठाकरे गटाच्या उपनेत्या सुषमा अंधारे यांनी थेट एकनाथ शिंदे यांच्यासह प्रकाश शिंदे यांच्यावर गंभीर आरोप केले आहेत. तसेच एकनाथ शिंदे यांनी राजीनामा द्यावा, अशी मागणी अंधारे यांनी केली. तसेच यावर आता शिवसेना शिंदे गटाचे नेते व मंत्री शंभूराज देसाई यांनी सुषमा अंधारे यांच्या आरोपांवर पलटवार केला आहे. शंभूराज देसाई म्हणाले, शिवसेना ठाकरे गटाच्या उपनेत्या सुषमा अंधारे यांनी आमचे नेते व राज्याचे उपमुख्यमंत्री एकनाथ शिंदे आणि त्यांचे बंधू प्रकाश शिंदे यांच्यावर जे बेछूट आरोप केले आहेत, त्यावर मी कालच प्रतिक्रिया दिली होती. त्यावर आज पत्रकार परिषद घेऊन सुषमा अंधारे यांनी त्याच आरोपांचे रीपीटेशन केले आहे. केवळ राज्यात निवडणुका सुरू आहेत म्हणून या निवडणुकांच्या पार्श्वभूमीवर सनसनाटी निर्माण करण्याचा हा एक केविलवाणा प्रयत्न अंधारे करत आहेत. पुढे बोलताना शंभूराज देसाई म्हणाले, मागे सुद्धा दोन वर्षांपूर्वी जेव्हा एकदा नाशिकमध्ये ड्रग्स प्रकरण घडले होते, तेव्हा उत्पादन शुल्क मंत्री मी होतो आणि माझा थेट संबंध आहे अशा पद्धतीचे बेछूट आरोप त्यावेळी सुषमा अंधारे यांनी केला होता. ज्यावेळी मी या आरोपांच्या विरोधात जाहीरपणे सांगितले की तुमचे हे विधान 48 तासांत मागे घ्या, माफी मागा नाहीतर कायदेशीर कारवाईला सामोरे जा आणि ही कायदेशीर कारवाई न्यायालयात सुरू असल्याची माहिती देसाई यांनी दिली आहे. काय म्हणाल्या सुषमा अंधारे? सातारा जिल्ह्यातील सावरी येथील ड्रग्ज रॅकेट प्रकरणात ठाकरे गटाच्या नेत्या सुषमा अंधारे यांनी आज खळबळजनक गौप्यस्फोट करत थेट उपमुख्यमंत्री एकनाथ शिंदे यांचे बंधू प्रकाश शिंदे यांना आरोपीच्या पिंजऱ्यात उभे केले आहे. “हॉटेल तेजयश माझे नाही, मी ती जागा चालवायला दिली आहे,” असा दावा प्रकाश शिंदे यांनी केला होता. मात्र, आज भर पत्रकार परिषदेत सुषमा अंधारे यांनी गुगल मॅप आणि व्हॉट्सॲप लिंकचा ‘लाईव्ह डेमो’ दाखवत, “हॉटेल तेजयश प्रकाश शिंदेंचेच आहे आणि अजूनही तेच चालवत आहेत,” असा सणसणीत आरोप पुराव्यानिशी केला. वाचा सविस्तर
