शिबिरात विद्यार्थ्यांनी दिला “एकमेका साहाय्य करू अवघे सुपंथ’चा संदेश:खेंडकर विद्यालयात पार पडले शिबिर; खेळांत दाखवले काैशल्य‎

सरस्वती नगर वाशीम बायपासवरील खेंडकर विद्यालयात एक दिवसीय स्काऊट गाईड शिबिराचे आयोजन करण्यात आले. शिस्तप्रियतेचा संदेश देत विद्यार्थी या शिबिरात सहभागी झाले. अध्यक्षस्थानी माध्यमिक शाळेचे मुख्याध्यापक नीलेश खेंडकर होते. शिबिराचे उद्घाटन प्राथमिक शाळेचे मुख्याध्यापक अल्केश खेंडकर यांनी केले. शिबिरात सकाळच्या सत्रात ध्वजारोहण व गीत गायन स्पर्धेचे आयोजन पाचवी ते सातवी तसेच आठवी ते दहावीच्या वर्गापर्यंत करण्यात आले. यात विद्यार्थ्यांनी विविध देशभक्तीपर गीत, शालेय जीवनावर आधारित गीते सादर करून विद्यार्थी व पालकांना मंत्रमुग्ध केले. स्काऊट विद्यार्थी हा नेहमी धैर्यवान, निष्ठावान असतो. स्काऊट नेहमी आपल्या सहकार्याला मदत करतो. एकमेका साहाय्य करू अवघे धरू सुपंथ, हा संदेश देऊन आपल्या देशाच्या विकासाला हातभार लावावा, असा संदेश देण्यात आला. सूत्रसंचालन कांचन सिरसाट यांनी केले. आभार गोपाल वानखडे यांनी मानले. कार्यक्रम यशस्वी पार पाडण्यासाठी शिक्षक आशा हिवरकर, सुरेश सुरत्ने, श्रीकांत पागृत, गोपाल वानखडे, प्रशांत काळे, उषा जगदाळे, अंजू मुंढे, मीना घाटोडे, स्वाती धोटे, अश्विनी सोळंके, सुकेशनी ओहेकर, छाया इंगळे, वर्षा मते, मेघा शर्मा आणि शिक्षकेतर कर्मचाऱ्यांनी परिश्रम घेतले. नियम सर्वांसाठी सारखेच स्काऊटच्या नियमामुळे आपल्याला शिस्त शिकायला मिळते. नियम सर्वांसाठी असतात त्याचे पालन सर्वांनी करणे म्हणजे शिस्तप्रियता होय, असे प्रतिपादन उद्घाटक मुख्याध्यापक नीलेश खेंडकर यांनी केले. स्काऊटच्या नियमांमुळे विद्यार्थ्यांच्या अंगी एक शिस्त निर्माण होते. त्यामुळे स्काऊटचे पालन विद्यार्थी, सर्वांनी हे शाळेमध्ये केलेच पाहिजे, असेही ते म्हणाले. कार्यक्रमाचे अध्यक्ष स्व. यमुनाबाई खेंडकर मराठी वरिष्ठ प्राथमिक शाळेचे मुख्याध्यापक अल्केश खेंडकर यांनीही विद्यार्थ्यांना मार्गदर्शन केले. शिबिरात विविध स्पर्धांचे आयोजन करण्यात आले. यामध्ये मेणबत्ती पेटवणे, फुगे फुगवणे, बटाटा शर्यत, निंबू चमचा आदी स्पर्धांचे आयोजन केले होते. दुपारच्या सत्रात शेकोटी कार्यक्रम राबवण्यात आला. यावेळी मान्यवरांच्या हस्ते शेकोटी पेटवण्यात आली. शेकोटी कार्यक्रमानंतर विविध फॅन्सी ड्रेस स्पर्धेचे सादरीकरण करण्यात आले. यामध्ये वर्ग ५ ते ७ तसेच ८ ते १० पर्यंतच्या विद्यार्थ्यांनी छत्रपती शिवाजी महाराज, डॉ. बाबासाहेब आंबेडकर, महात्मा ज्योतिराव फुले, सावित्रीबाई फुले, भाजीवाली, फळ विक्रेता, डॉक्टर, इंजिनिअर इत्यादी वेशभूषा साकारून उत्कृष्ट सादरीकरण करण्यात आले.