सुरेश पाचभाई | मारेगाव
मारेगाव तालुक्यातील मुक्ता येथील ज्येष्ठ व आदर्श व्यक्तिमत्त्व सदाशिव जगन्नाथ ढवस (वय ९१) यांचे वृद्धापकाळाने रविवारी दि. ८ फेब्रुवारी २०२६ रोजी दुपारी ३ वाजता दुःखद निधन झाले. त्यांच्या निधनाने मुक्ता गावासह परिसरात शोककळा पसरली असून सर्व स्तरांतून हळहळ व्यक्त करण्यात येत आहे.
शांत, कष्टाळू व संस्कारक्षम स्वभावासाठी परिचित असलेले सदाशिव ढवस हे परिसरातील एक मार्गदर्शक व्यक्तिमत्त्व होते. त्यांच्या दीर्घ आयुष्यातून अनेक पिढ्यांना मोलाचे मार्गदर्शन लाभले. त्यांच्या जाण्याने गावाने एक अनुभवी वडीलधारी व्यक्ती गमावल्याची भावना व्यक्त होत आहे.
त्यांच्या पार्थिवावर सोमवारी दि. ९ फेब्रुवारी २०२६ रोजी दुपारी १२ वाजता मुक्ता येथील स्मशानभूमीत अंत्यसंस्कार करण्यात येणार आहेत. ते रामाजी सदाशिव ढवस व महादेव सदाशिव ढवस यांचे वडील होते . त्यांच्या पश्चात पत्नी, दोन मुले, तीन मुली, सुना, नातवंडे असा मोठा आप्तपरिवार आहे.