छत्रपती संभाजीनगर जिल्ह्यातील वेरूळ लेणी क्रमांक 10, ज्याला ‘विश्वकर्मा लेणी’ म्हणूनही ओळखले जाते, येथे दरवर्षी होणाऱ्या किरणोत्सवाला मोठा प्रतिसाद मिळत आहे. प्राचीन स्थापत्यकलेचा आणि खगोलशास्त्राचा अद्भुत नमुना असलेल्या या सोहळ्याला देश-विदेशातील पर्यटकांची मोठी गर्दी झाली आहे. सूर्य उत्तरायणात जात असताना, चैत्यगृहातील तथागत गौतम बुद्धांच्या मूर्तीवर पडणाऱ्या सूर्यकिरणांचा हा सोहळा अत्यंत नयनरम्य असतो. मार्च महिन्याच्या दुसऱ्या आठवड्यात दरवर्षी या किरणोत्सवाचा अनुभव घेतला जातो. मूर्तीच्या मुखावर पडणाऱ्या सूर्यकिरणांमुळे संपूर्ण चैत्यगृह तेजोमय भासते आणि या क्षणाचा साक्षीदार होण्यासाठी इतिहासप्रेमी आणि पर्यटक मोठ्या संख्येने वेरूळला येतात. यंदा 9 आणि 11 मार्चला हा सोहळा पाहण्यासाठी मोठ्या प्रमाणावर गर्दी झाली. मात्र, 10 मार्चला मुख्य क्षण अनुभवण्याची संधी साप्ताहिक सुटीमुळे हुकली. त्यामुळे पर्यटक आणि इतिहासप्रेमींनी नाराजी व्यक्त केली आहे. वेरूळ लेणीतील किरणोत्सव स्थापत्यकलेचा, विज्ञानाचा आणि अध्यात्माचा त्रिवेणी संगम मानला जातो.
वेरूळच्या विश्वकर्मा लेणीत ‘किरणोत्सव’ सोहळा:सूर्यकिरणांनी उजळले भगवान बुद्धांचे मुखकमल, पाहा PHOTO
Ad Banner
Show Comments (0)
Hide Comments (0)
Subscribe
Login
0 Comments
Oldest
