पुण्यात एक धक्कादायक प्रकार समोर आला असून स्वतःला उपमुख्यमंत्री एकनाथ शिंदे यांच्या कार्यालयातील अधिकारी असल्याचे भासवून पोलिसांची दिशाभूल केल्याचा प्रकार उघडकीस आला आहे. सरकारी यंत्रणेत ओएसडी पदाला असलेला मान आणि प्रभाव याचा गैरफायदा घेत आरोपीने थेट पोलिस अधिकाऱ्यांच्या कार्यालयात प्रवेश मिळवला. या प्रकरणामुळे प्रशासनातही खळबळ उडाली आहे. पोलिसांच्या माहितीनुसार, प्रद्युम्न श्रीहरी पाटील (वय 47, रा. हिंजवडी) असे या आरोपीचे नाव आहे. त्याने स्वतःला उपमुख्यमंत्री एकनाथ शिंदे यांच्या कार्यालयातील ओएसडी असल्याचे सांगत पुण्यातील परिमंडल एकचे पोलिस उपायुक्त ऋषिकेश रावले यांच्या कार्यालयात थेट प्रवेश केला. कोणतीही अधिकृत ओळख नसताना अशा पद्धतीने सरकारी कार्यालयात घुसखोरी केल्याने हा प्रकार गंभीर मानला जात आहे. ओएसडी पद हे मुख्यमंत्री, उपमुख्यमंत्री आणि मंत्र्यांच्या कामकाजासाठी अत्यंत महत्त्वाचे मानले जाते. या पदावरील व्यक्ती अनेकदा प्रशासकीय कामे पाहत असल्याने त्यांचा प्रभाव मोठा असतो. याच पार्श्वभूमीवर आरोपीने त्या पदाचा धाक दाखवत पोलिसांची दिशाभूल करण्याचा प्रयत्न केल्याचे स्पष्ट झाले आहे. मात्र, पोलिसांनी वेळीच सावधगिरी बाळगत या संशयास्पद हालचालींची दखल घेतली. कठोर कारवाई करण्याची यानंतर पोलिसांनी तातडीने कारवाई करत आरोपीला ताब्यात घेतले आणि त्याच्याविरुद्ध गुन्हा दाखल केला. पुढील तपासात त्याने अशाच प्रकारे इतरत्रही स्वतःची बनावट ओळख वापरली आहे का, याचा शोध घेतला जात आहे. या घटनेमुळे शासकीय यंत्रणेत ओळख पडताळणीची गरज पुन्हा एकदा अधोरेखित झाली असून अशा बनावट अधिकाऱ्यांविरोधात कठोर कारवाई करण्याची मागणी होत आहे. त्यामुळे आता या प्रकरणाकडे सर्वांचेच लक्ष लागले आहे.
एकनाथ शिंदेंच्या नावावरून थेट पोलिसांची फसवणूक:मी OSD, म्हणत थेट पोलिस कार्यालयात प्रवेश; हिंजवडीत आरोपी अटकेत
Ad Banner
Show Comments (0)
Hide Comments (0)
Subscribe
Login
0 Comments
Oldest
