जगप्रसिद्ध वेरूळ लेणी परिसरातील बारावे ज्योतिर्लिंग श्री घृष्णेश्वर महादेव मंदिर मंगळवारी (३ मार्च) खग्रास चंद्रग्रहणामुळे दर्शनासाठी दुपारी तीनपासून सायंकाळी सातपर्यंत दर्शनासाठी बंद राहील. ग्रहणाच्या कालखंडात मंदिराचे दरवाजे बंद ठेवण्याची परंपरा असल्याने मंदिर प्रशासनाने दर्शनाचे वेळापत्रक जाहीर केले आहे. धूलिवंदन, सुट्यांमुळे गर्दीची शक्यता : ३ मार्च रोजी होळी (धूलिवंदन) हा सण असल्याने दर्शनासाठी भाविकांची मोठी गर्दी होण्याची शक्यता वर्तवण्यात येत आहे. मात्र, दुपारी ३:०० ते ७:०० या वेळेत भाविकांना गाभाऱ्यात प्रवेश किंवा दर्शन घेता येणार नाही. लांबून येणाऱ्या भाविकांनी आणि पर्यटकांनी या वेळेची विशेष नोंद घेऊन आपले नियोजन करावे, असे आवाहन मंदिर ट्रस्टचे अध्यक्ष कुणाल दांडगे व घृष्णेश्वर देवस्थान ट्रस्टतर्फे करण्यात आले आहे. लेणी, मंदिर बंद असल्याने पर्यटक नाराज योगायोगाने मंगळवारी वेरूळ लेणीचा साप्ताहिक देखभालीचा दिवस असल्याने लेणी पर्यटकांसाठी बंद असते. त्यातच आता दुपारी मंदिरही बंद राहणार असल्याने बाहेरगावांहून येणाऱ्या पर्यटकांना लेणी आणि मंदिर या दोन्ही दर्शनापासून मुकावे लागणार आहे. प्रशासनाने होणाऱ्या गैरसोयीबद्दल दिलगिरी व्यक्त केली आहे. घृष्णेश्वर मंदिरातील दर्शनाचे वेळापत्रक
चंद्रग्रहणामुळे घृष्णेश्वर मंदिरात उद्या चार तासांसाठी दर्शन बंद:दुपारी 3 पासून मंदिर बंद, सायंकाळी 7 नंतर दर्शन सुरू
Ad Banner
Show Comments (0)
Hide Comments (0)
Subscribe
Login
0 Comments
Oldest
