बातमी ऐका (Marathi Voice Reader)
सायकल चालवा, आरोग्य घडवा’, पर्यावरण वाचवा आरोग्य जपा, आपली हिंगोली ग्रीन हिंगोली हेल्दी हिंगोलीच्या घोषणादेत हिंगोलीत शेकडो सायकलस्वारांनी बुधवारी ता. ३ काढलेल्या सायकल रॅलीत ग्रीन हिंगोली हेल्दी हिंगोलीचा संकल्प केला. यावेळी शेकडो सायकलस्वारांनी सहभाग नोंदविला होता. जागतिक पर्यावरण दिनाच्या पार्श्वभुमीवर सद्भाव सेवाभावी संस्था, जिल्हा सायकल संघटना, आशा सायकल यांच्या वतीने सायकल रॅलीचे आयोजन केले होते. छत्रपती शिवाजी महाराज यांच्या पुतळ्याला अभिवादन करून सकाळी सात वाजता सायकल रॅलीस सुरवात झाली. शहरातील पोस्ट ऑफिस रोड, जवाहर रोड, गांधी चौक, भारतरत्न डॉ. बाबासाहेब आंबेडकर चौक, इंदिरा गांधी चौक, पीपल्स बँक, जिल्हा परिषद रोड, जिल्हाधिकारी कार्यालय रस्ता आणि नगर पालिका मार्गावरून रॅली एनटीसी मध्ये विसर्जित करण्यात आली. वाढत्या प्रदूषणाला पर्याय म्हणून प्रत्येकाने झाडे लाऊन त्यांचे संगोपन करावे तसेच आरोग्यासाठी दैनंदिन जिवनात सायकलचा वापर करावा, नैसर्गिक, देशी झाडं लावावी, जगवावी, पाऊसपाणी संकलन कराव, सिंगल वापर प्लास्टिकचा वापर बंद करावा, कचरा जाळू नये, तो घंटा गाडीतच टाकावा हा संदेश या रॅलीच्या माध्मयातून देण्यात आला. या पर्यावरणपूरक उपक्रमात हिंगोलीतील डॉक्टर आणि सामाजिक कार्यकर्त्यांनी सक्रिय सहभाग नोंदवला. यामध्ये डॉ. यशवंत पवार, डॉ. राम मुंडे, डॉ.अभयकुमार भरतीया, प्रविण काळबांडे, डॉ. संजय नाकाडे,डॉ. अमित शाह, डॉ. प्रेमेन बोथरा, डॉ. गजानन शिंदे, संजय घन, गणेश पाटील, विनोद खरात, रमेश सानप, विठ्ठल जाधव, मारोती बोबडे,किरण लाहोटी, रत्नाकर महाजन, विठ्ठल गवळी, शिवचरण ठाकूर यांच्यासह नागरीकांचा समावेश होता.
