बातमी ऐका (Marathi Voice Reader)
नगर पालिकेच्या वतीने शहरात अतिक्रमण काढण्याची मोहिम राबवण्यात येत आहे. या मोहिमेमध्ये सोमवार दि. ८ जुन रोजी जांब मार्गावर असलेल्या अतिक्रमणांवर कारवाई करण्यात आली. दुपारनंतर कारवाईमध्ये २३ अतिक्रमणे काढण्यात आली. नगर पालिकेच्या वतीने शहरातील विविध भागांमध्ये रस्त्यावर करण्यात आलेले अतिक्रमण काढुन टाकण्याची कारवाई करण्यात येत आहे. अशाच प्रकारच्या तक्रारी जांब मार्गावर असलेल्या अतिक्रमणासंदर्भात प्राप्त झाल्या होत्या. या तक्रारीवरुन कारवाई करण्यात आली. या आज नेताजी चौकाकडे कारवाईचा मोर्चा शहरातील नेताजी चौक परिसरात नागरिकांनी केलेल्या अतिक्रमणासंदर्भात मोठी कारवाई सुरू करण्यात आली आहे. ही सर्व अतिक्रमण करणारी दुकाने काढुन टाकण्यात येणार आहेत. त्यासंदर्भात सर्व व्यावसायीकांना त्यांची दुकाने तातडीने रिकामी करुन हलवण्याच्या सुचना देण्यात आल्या आहेत. या सुचनानंतरही दुकाने न काढणाऱ्याची दुकाने थेट तोडण्यात येणार असुन या भागात मंगळवार दि. ९ जुन रोजी कारवाई होणार असल्याचे सांगण्यात आले आहे.
