शहरातून तडीपार असलेल्या एका आरोपीला हैद्राबाद येथून देशीकट्टा शहरात आणताना ५ किमी अंतरावरील मार्लेगाव फाटा येथे देशीकट्यासह अटक करण्यात आली. ही कारवाई बुधवार दि. १० जून रोजी दुपारी १ वाजेच्या दरम्यान उमरखेड पोलिस ठाण्याच्या डीबी पथकाने केली. अरिशोद्दीन मोहम्मद तारेकोद्दीन खतीब (वय २४) असे ताब्यात घेतलेल्या आरोपीचे नाव आहे. अरिशोद्दीन मोहम्मद तारेकोद्दीन खतीब हा उमरखेड पोलिस स्टेशन हद्दीतून तडीपार करण्यात आला होता. मात्र तो हैदराबाद येथून पुन्हा उमरखेड येथे आल्याची माहिती पोलिसांना मिळाली. तसेच त्याच्याकडे देशी कट्टा असल्याची खात्रीशीर गोपनीय माहिती पोलिस उपनिरीक्षक शरद लोहकरे यांना प्राप्त झाली होती. त्या माहितीच्या आधारे डीबी पथकाने सापळा रचून आरोपीचा शोध घेतला. कारवाईदरम्यान आरोपीला ताब्यात घेऊन त्याची झडती घेतली असता त्याच्याजवळ ३० हजार रुपये किमतीचा देशी कट्टा आणि एक जिवंत काडतूस आढळून आले. पोलिसांनी तत्काळ शस्त्र जप्त करून आरोपीविरुद्ध गुन्हा दाखल केला. आरोपीकडे शस्त्र कुठून आले आणि त्याचा वापर कोणत्या उद्देशाने केला जाणार होता, याबाबत चौकशी सुरू आहे.तसेच त्याच्याकडे देशी कट्टा असल्याची खात्रीशीर गोपनीय माहिती पोलिस उपनिरीक्षक शरद लोहकरे यांना प्राप्त झाली होती. ही कारवाई यवतमाळ जिल्हा पोलिस अधीक्षक कुमार चिंता, अपर पोलिस अधीक्षक अशोक थोरात, उपविभागीय पोलिस अधिकारी हनुमंत गायकवाड आणि पोलिस निरीक्षक शंकर पांचाळ यांच्या मार्गदर्शनाखाली सपोनि व्यंकट गंगलवाड, पोउपनि शरद लोहकरे, चंदन जाधव, दिगांबर गीते, संघशील टेंबरे यांच्यासह उमरखेड पोलिस स्टेशनच्या डीबी पथकाने सहभाग घेतला.
