बातमी ऐका (Marathi Voice Reader)
श्री गजानन- जय गजानन, गण गण गणात बोतेचा जयघोष करत पारंपरिक बँड, टाळ मृदंगाच्या गजरात आषाढी एकादशीनिमित्त संत श्री गजानन महाराज पालखीचे रविवारी शेगाव येथून जिल्ह्यात आगमन झाले. शेगावीचा राणा पंढरीला निघाला…वेशीपर्यंत भक्तीचा सागर लोटला, असे भावजागृत करणारे दृश्य ही पायदळी वारी मार्गस्थ होताना दिसून आले. अकोला जिल्ह्यातील वेशीवर भक्तांनी या पायदळ वारीचे स्वागत करीत श्रींच्या पालखीचे दर्शन घेतले. गण गण गणांत बोते च्या जयघोषाने कसुरा, मनारखेड, पारस परिसर दुमदुमून गेला. गायगावमार्गे भौरद येथे आज आगमन पारस येथे पोहचला. येथे पहिला मुक्काम आहे. सोमवारी पहाटे ५ वाजता पालखीचे प्रस्थान होईल. गायगाव मार्गे पालखी भौरद येथे पोहचून येथेच दुसरा मुक्कामी असणार आहे.तर मंगळवारी अकोला शहराकडे पालखी सोहळा मार्गस्थ होईल.
