तालुक्यातील काही ठिकाणी आपले सरकार केंद्रात एसडीओ, तहसीलदार,नायब तहसीलदार यांना अनागोंदी कारभार दिसून आला आहे. ग्रामीण भागातील आयडी चा वापर शहरी भागात केल्याची बाब उघडकीस आली आहे. केंद्रामध्ये मूलभूत सुविधेसह अनेक त्रुट्या आढळून आल्या आहेत.पुसद शहरातील अशा चार केंद्रांना शो कॉज नोटीस बजावली आहे.तर दिग्रस मध्ये एका केंद्र चालकाला शो कॉज नोटीस बजावली आहे. पुसद तालुक्यामध्ये १८८ आपले सरकार सेवा केंद्र सुरू केले आहेत. तर दिग्रस तालुक्यामध्ये ८७ केंद्र सुरू केले आहेत.महाराष्ट्र शासनाने उदात्त हेतू ठेवून ग्रामीण भागातील लोकांना त्यांच्याच गावांमध्ये विविध प्रकारचे दाखले मिळावे याकरिता आपले सरकार सेवा केंद्र सुरू केले होते.परंतु त्याच केंद्रामध्ये अनागोंदी कारभार सुरू असल्याचे चव्हाट्यावर आले आहे.तालुक्यातील ५१ केंद्रावर उपविभागीय अधिकारी आशिष बिजवल यांनी आतापर्यंत भेटी दिल्या आहेत.तर ४५ ठिकाणी तहसीलदार रेखा वाणी (मोहिते) यांनी भेटी दिल्या आहेत.त्याशिवाय नायब तहसीलदार चंपा राठोड यांनी ९२ ठिकाणी भेटी दिल्या आहेत.त्या सर्वांपैकी चार सेवा केंद्रामध्ये तुर्टी आल्याची आढळून आले आहे.तर सर्व सेवा केंद्र चालकांना सुविधा उपलब्ध ठेवण्याचे आवाहन केले आहे.जर त्रुटी आढळल्यास त्यांनाही कारणे दाखवा नोटीस बजावण्यात येणार आहे,अशी माहिती कळवण्यात आली आहे. दिग्रस तालुक्यातील ८७ पैकी पुसदच्या उपविभागीय अधिकारी आशिष बिजवल यांनी चार ठिकाणी, तर दिग्रसच्या तहसीलदाराने २४ ठिकाणी व नायाब तहसीलदाराने ४९ ठिकाणी आपले सरकार सेवा केंद्राची चौकशी केली. त्यामध्ये ग्रामीण भागाची आयडी चालविणारा आढळून आला आहे.त्याला येथील कार्यालयामार्फत शो कॉज नोटीस बजावली आहे. त्या ठिकाणी उपविभागीय महसूल अधिकारी बिजवल यांना मूलभूत व्यवस्था नसल्याचे निदर्शनास आले होते. त्याशिवाय मोठ्या प्रमाणात गर्दी देखील आढळून आली होती.
