ब्रेकिंग न्यूज
⚡ Pune News: दीर अन् सासूच निघाले ‘व्हिलन’; आधी पतीचं निधन, आता शिक्षिकेला लेकीच्या वाढदिवसादिवशी संपवलं, पुण… ✦ ⚡ रेल्वेत सावज हेरायची, प्रसाद म्हणून चिक्की द्यायची अन्… महिलेचं कांड पाहून सगळ्यांना धक्का, सोलापुरात मोठ… ✦ ⚡ मारेगाव–यवतमाळ महामार्गावर अज्ञात वाहनाची रोह्याला धडक! ✦ ⚡ घोडदरा शिवारात वाघाचे पगमार्क; शेतकऱ्यांमध्ये भीतीचे वातावरण! ✦ ⚡ ‘एचआयव्ही’ग्रस्त असल्यानं पत्नी सोडून गेली; पुण्यात चुलत्यानं अल्पवयीन पुतणीवरच केला अत्याचार, जामीन अर्जाव… ✦ ⚡ IND vs NZ : केएल राहुल 5 रनवर असताना मैदानात मोठा ड्रामा… हेन्रीला कॅप्टनने वेड्यात काढलं, पण पुढच्या 2 म… ✦ ⚡ MPSC गट-क परीक्षेसाठी जम्बो भरती, तुम्ही करताय तयारी? अनुभवी विद्यार्थ्यांनी दिले 5 सिक्रेट टिप्स! Video ✦ ⚡ CRIME : ‘आई कुणीतरी मला ब्लॅकमेल करतंय’, हरिश्चंद्रगडाच्या कोकणकड्यावरून 20 वर्षाच्या तरुणाचा संशयास्पद मृत… ✦ ⚡ Chandrapur News : चौकात मानवी कवटी, रुळाजवळ छिन्नविच्छिन्न मृतदेह; चंद्रपुरात खळबळ उडवणाऱ्या घटनेबाबत पोलि… ✦ ⚡ Chandrapur News : चौकात मानवी कवटी, रुळाजवळ छिन्नविच्छिन्न मृतदेह; चंद्रपुरात खळबळ उडवणाऱ्या घटनेबाबत पोलि…
SP News Maregaon

स्कूल बसच्या धडकेत दुचाकीस्वार तरुणाचा मृत्यू

2.5k Views
🔊 बातमी ऐका (Marathi Voice Reader)

मारेगावातील मार्डी चौक–सरकारी दवाखाना मार्गावरील घटना; चालकाविरुद्ध गुन्हा दाखल

सुरेश पाचभाई मारेगाव

मारेगाव : स्कूल बसने दुचाकीला दिलेल्या धडकेत २६ वर्षीय तरुणाचा मृत्यू झाल्याची घटना मारेगाव शहरात घडली. ही घटना १ ऑक्टोबर रोजी सायंकाळी साडेसातच्या सुमारास मार्डी चौक ते सरकारी दवाखाना दरम्यान श्रीराम किराणा दुकानासमोर घडली. या प्रकरणी स्कूल बस क्रमांक एमएच-२९-बीई-१२७४ च्या चालकाविरुद्ध मारेगाव पोलिस ठाण्यात भारतीय न्याय संहितेच्या कलम २८१ व १०६(१) अन्वये गुन्हा दाखल करण्यात आला आहे.

या अपघातात रमेश दादाराव मेश्राम (वय २६, रा. डोंगरगाव (वेगाव), ता. वाणी) याचा मृत्यू झाला. याबाबत मृतकाचे वडील यांनी पोलिसांत फिर्याद दिली आहे.पोलिसांनी दिलेल्या माहितीनुसार, रमेश मेश्राम हा मित्राच्या हिरो मोटारसायकल क्रमांक एमएच-२९-एस ४५१८ वरून मारेगावकडे गेला होता.

दरम्यान, मार्डी चौक ते सरकारी दवाखाना मार्गावर श्रीराम किराणा दुकानासमोर स्कूल बसने त्याच्या दुचाकीला धडक दिल्याचे फिर्यादीत नमूद आहे. या अपघातात रमेशच्या चेहऱ्यावर व डोक्याला गंभीर दुखापत झाली.

अपघातानंतर नागरिकांनी जखमी रमेशला मारेगाव येथील शासकीय रुग्णालयात दाखल केले. प्राथमिक उपचारानंतर प्रकृती गंभीर असल्याने त्याला पुढील उपचारासाठी वणी येथील एका प्रायव्हेट हॉस्पिटलमध्ये हलविण्यात आले. मात्र, डॉक्टरांनी तपासणी केल्यानंतर त्याचा मृत्यू झाल्याचे सांगितले. त्यानंतर मृतदेह मारेगाव येथील ग्रामीण रुग्णालयात आणण्यात आला.

दरम्यान, स्कूल बस चालकाने वाहन भरधाव व निष्काळजीपणे चालवून अपघात घडवून आणल्याचा आरोप फिर्यादीत करण्यात आला आहे. या अपघातास चालक जबाबदार असल्याचे नमूद करीत दादाराव मेश्राम यांनी पोलिसांकडे कारवाईची मागणी केली.

फिर्यादीच्या जबाबावरून तसेच शासकीय रुग्णालयातून प्राप्त झालेल्या डीडी मेमोच्या आधारे मारेगाव पोलिसांनी गुन्हा दाखल केला आहे. या प्रकरणाचा पुढील तपास ठाणेदार सागर दानडे यांचे मार्गदर्शनाखाली पोलीस हवालदार जुनेद शेख करीत आहेत.

ही बातमी शेअर करा
विदर्भ एस.पी. न्यूज नेटवर्क, मारेगाव विदर्भातील घडामोडींपासून राज्य, देश आणि जगभरातील ताज्या, अचूक व विश्वासार्ह बातम्या सर्वात आधी आपल्या भेटीला. ब्रेकिंग न्यूज, राजकारण, गुन्हे, सामाजिक, कृषी, शिक्षण, क्रीडा, मनोरंजन आणि विशेष रिपोर्ट्स एका क्लिकवर. सत्याला आवाज देणारे, जनतेचा विश्वास जपणारे आपले हक्काचे न्यूज पोर्टल – विदर्भ एस.पी. न्यूज नेटवर्क मारेगाव.
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर