कु.प्रणाली विजय ढवस JEE B.arch परीक्षेत 99.73 % टाईल घेऊन देशातुन 47 वा नंबर.
मारेगांव तालुका प्रतिनिधी:-सुरेश पाचभाई
[9922862184]
मारेगाव तालुक्यातील मुकटा येथील कु.प्रणाली विजय ढवस हिने JEE B arch परीक्षेत 99.73 % टाईल घेऊन देशातुन 47 वा नंबर.प्राप्त करून गावासह तालुक्याचे नाव सोनेरी अक्षरात कोरले आहे.
कु.प्रणाली ही आनंद निकेतन महाविद्यालय वरोरा जिल्हा चंद्रपूर येथे 12 व्या वर्गात विज्ञान शाखेत मागच्या वर्षी शिकत होती.तीला 86.83% मार्क होते.तिचा कॉलेज मधुन 3 रा नंबर होता.तिचे 10 वी पर्यंतचे शिक्षण हिरालाल लोया विद्यालय वरोरा येथे झाले.
तालुक्यातील मुकटा येथील शेतकऱ्यांच्या मुलीने JEE B.arch परीक्षेत घेतलेली ही भरारी खरंच कौतुकास्पद आहे.आई-वडील शेतकरी असून त्यांचे कडे 7 एकर शेती आहे.
घरात कुणीही जास्त प्रमाणात सुशिक्षित नसताना दैदीप्मान यश संपादन करणाऱ्या प्रणाली चे सर्व स्तरातून कौतुक केले जात आहे.प्रणाली हीचा भाऊ लोकेश विजय ढवस हा 8 व्या वर्गात वरोरा येथे शिक्षण घेत आहे.प्रणाली हे श्रेय आई वडीला सह आजी आजोबांना व कॉलेजचे प्राचार्य व प्राध्यापक यांना देत आहे.
