बातमी ऐका (Marathi Voice Reader)
Australia vs South Africa : न्यूलँड केपटाऊनमध्ये सध्या साऊथ आफ्रिका आणि ऑस्ट्रेलिया यांच्यात निर्णायक टेस्ट सामना सुरु आहे. हा सामना जिंकन टेस्ट मालिका कोण जिंकतं? याकडे सर्वाचे लक्ष लागले आहे. असे असतान साऊथ आफ्रिकेच्या एका फॅनने ऑस्ट्रेलियाचे जखमेवर मीठ चोळलं आहे. आफ्रिकने फॅनने ‘सँडपेपर देऊ का?’ अशी ऑफर खेळाडूला देऊन त्यांना ट्रोल केले आहे. या संदर्भातला व्हिडिओ सध्या सोशल मीडियावर मोठ्या प्रमाणात व्हायरल होत आहे.
खरं तर 2018 च्या सँडपेपर कांडनंतर ऑस्ट्रेलियन टीम पहिल्यांदा साऊथ आफ्रिकेच्या दौऱ्यावर आली आहे. ही घटना केपटाऊन टेस्टमध्येच घडली होती. आणि सध्या साऊथ आफ्रिका आणि ऑस्ट्रेलिया यांच्यात सुरु असलेला टेस्ट सामना देखील केपटाऊनच्या स्टेडिअमवरच सुरु आहे. त्यामुळे साऊथ आफ्रिकेच्या एका फॅनने सँडपेपरची दाखवून ऑस्ट्रेलियन खेळाडूंना चिढवलं आहे. या संदर्भातला एक व्हिडिओ सध्या सोशल मीडियावर व्हायरल झाला आहे.
व्हायरल झालेल्या या व्हिडिओत तुम्ही पाहु शकता साऊथ आफ्रिकेचा एक फॅन नथन लियॉनला सँडपेपर ऑफर करताना दिसला आहे.पण लियॉनने ही गोष्ट स्पोर्टींगली घेत मजेशीरपणे टाळण्याचा प्रयत्न केला. या घटनेनंतर क्रिकेट फॅन्सना 8 वर्ष जूना सँडपेपरच्या घटनेची आठवण झाली.
2018 ला केपटाऊन टेस्टच्या दरम्यान ऑस्ट्रेलियन खेळाडूंना बॉल टेम्परिंग करण्यासाठी अर्थात बॉलशी छेडछाड करण्यासाठी सॅडपेपरचा वापर केलेला. या वादानंतर ऑस्ट्रेलियन क्रिकेट बोर्डाने स्टीव स्मिथ, डेविड वॉर्नर 12 महिन्यांसाठी आंतरराष्ट्रीय क्रिकेटमधून बॅन केले होते. तर कॅमरून ब्रेनला 9 महिन्यासाठी बॅन केलं होतं.
South African crowd offering sandpaper to Nathan Lyon 😭 https://t.co/zvnRHJ480W
— Pushkar (@Musafirr_hu_yar) October 28, 2026
सामन्याबद्दल बोलायचं झालं तर काल साऊथ आफ्रिकेचा डाव 329 वर ऑलआऊट झाला होता.त्यानंतर फलंदाजीला उतरलेल्या ऑस्ट्रेलियाने आज सामन्याचा दुसरा दिवस संपेपर्यंत 4 विकेट गमावून 330 धावा केल्या होत्या. सध्या जोश इंग्लीश 85 तर अॅलेक्स कॅरी 51 वर नाबाद खेळतो आहे. ऑस्ट्रेलियाने एका धावाची आघाडी घेतली आहे. आता ही आघाडी तिसऱ्या दिवशी ऑस्ट्रेलिया किती धावांपर्यंत नेते?हे पाहणे महत्वाचे ठरणार आहे.
