बातमी ऐका (Marathi Voice Reader)
Ravindra Jadeja Mimics Kuldeep Yadav : कोलंबो येथे श्रीलंका क्रिकेट इलेव्हनविरुद्ध सुरू असलेल्या तीन दिवसीय सराव सामन्याच्या दुसऱ्या दिवशी टीम इंडियाने जोरदार कमबॅक केल्याचं पहायला मिळालं. देवदत्त पेडिक्कलच्या शतकानंतर आता गुरनूर ब्रार याने चार सिक्स मारले अन् गंभीरला देखील चकित केलं. अशातच आता टीम इंडियाच्या ड्रेसिंग रुममधला व्हिडीओ समोर आला असून यामध्ये गंभीर खळखळून हसत असल्याचं दिसून आलं. रविंद्र जडेजाने असं काय केलं? त्याचा व्हिडीओ समोर आला आहे.
जडेजाच्या मिमिक्रीवर हसू आवरलं नाही
श्रीलंकेविरुद्धच्या सराव सामन्याच्या दुसऱ्या दिवशी जडेजाच्या विनोदी शैलीमुळे मैदानावर आनंदाचं वातावरण पहायला मिळालं. डगआऊटमध्ये उपस्थित असलेले प्रशिक्षक गौतम गंभीर याला जडेजाच्या मिमिक्रीवर हसू आवरलं नाही. रविंद्र जडेजा बॅटिंगला जाण्याआधी गंभीरसोबत डगआऊटमध्ये उभा होता. त्यावेळी दोघांमध्ये चर्चा देखील सुरू होती. अचानक जडेजाने कुलदीप यादवच्या गोलंदाजीच्या शैलीची आणि चेहऱ्यावरील हावभावांची नक्कल केली, तेव्हा त्यांना हसू आवरता आलं नाही.
#1 All-rounder for a reason.
Ravindra Jadeja can bat, bowl, field, and apparently, crack Gautam Gambhir too.
Watch Day 3 of SLC XI vs #TeamIndia tomorrow, 10 AM onwards, LIVE on Sony Sports Network TV channels & Sony LIV.#SonySportsNetwork #SonyLIV pic.twitter.com/TWbJzVPEed
— Sony Sports Network (@SonySportsNetwk) August 8, 2026
सुदर्शनच्या जागेवर देवदत्त पडिक्कल खेळणार
यशस्वी जयस्वाल एकही रन न काढता आऊट झाल्याने भारताची सुरुवात खराब झाली. त्यानंतर कर्णधार केएल राहुल आणि देवदत्त पडिक्कल यांनी डाव सावरला. राहुल 40 धावांवर बाद झाला, पण पडिक्कलने आपली जागा टिकवून ठेवली. त्याने 164 चेंडूंमध्ये 142 धावा केल्या आणि दिवसाचा खेळ संपताना तो नाबाद राहिला. त्यामुळे आता साई सुदर्शनच्या जागेवर देवदत्त पडिक्कल खेळणार हे पक्कं झालंय. साई सुदर्शन दुखापतीमुळे सिरीजमधून बाहेर झाला आहे.
गुरनूर ब्रारने कमाल केली…
केएल राहुल आणि देवदत्त पडिक्कल यांनी दुसऱ्या विकेटसाठी 96 धावा जोडून डाव सावरला. राहुलने 67 बॉलमध्ये 40 धावा केल्या. त्यानंतर जडेजा मैदानात आला अन् त्याने 63 धावांची खेळी केली. पण ऋषभ पंत आणि ध्रुव जुरैल यांना मैदानात जास्त वेळ टिकता आलं नाही. दोघंही स्वस्तात परतले. त्यानंतर गुरनूर ब्रारने मात्र कमाल केली. त्याने एकाच ओव्हरमध्ये 4 सिक्स मारले अन् मॅच श्रीलंकाच्या हातातून काढली. त्यानंतर आता तिसऱ्या दिवशी टीम इंडिया पुन्हा बॉलिंग करण्याची शक्यता आहे.
