** ढोल ताशांच्या गजरात काढली भव्य मिरवणूक **
##आज होणार बोटोणी येथे फायर बार स्केटिंग प्रात्यक्षिक रोड शो ##
सुरेश पाचभाई मारेगांव: स्केटिंगमध्ये वेगवेगळे विक्रम स्वतःच्या नावावर करीत गिनीज बुक ऑफ वर्ल्ड रेकॉर्ड प्रस्थापित करणाऱ्या मनस्वी पिंपरेचे मारेगाव तालुक्यातील बोटोनी येथे आगमन होताच परंपरागत बैलबंडीवर मिरवणूक काढत भव्य स्वागत करण्यात आले.आणि आज दि.18 फेब्रुवारी रोज शनिवारला सायंकाळी 6:30 वाजता बोटोनी येथे स्केटिंगचे प्रत्यक्षिक सूद्धा करण्यात येणार आहे.
मनस्वीला नुकताच घाटकोपर( मुंबई ) येथे राष्ट्रीय समाजरत्न पुरस्कार 2023 हा सुद्धा मिळालेला आहे. हा सोहळा पार पाडून ती दिनांक 16 फेब्रुवारी 2023 स्वगावी परतली.यावर्षी मनस्वी विशाल पिंपरे या पाच वर्षाच्या मुलीला स्केटिंग मधील उत्कृष्ट कामगिरी व एतिहासिक जागतिक विक्रमाकरिता राष्ट्रीय समाज रत्न पुरस्कार देण्यात आला असुन दिनांक 18 फेब्रुवारी 2023 रोज शनिवारला सायंकाळी 6:30 वाजता” विक्रमवीर मनस्वी पिंपरे “हीचे फायर बार स्केटिंग प्रात्यक्षिक रोड शो बोटोणी येथे करण्यात येणार आहे.
ग्रामीणभागातील विद्यार्थ्याना प्रोत्साहित करण्यासाठी हे स्केटींगचे प्रात्यक्षिक होत आहे.तसेच 19 फेब्रुवारी 2023 रोज रविवारला विक्रमवीर मनस्वी विशाल पिंपरे वय 5 वर्ष वर्ल्ड रेकॉर्ड ऑफ गिनीज बुक ऑफ इंडिया हीचा सत्कार छत्रपती युवा शक्ती प्रतिष्ठान तथा समस्त गावकरी बोटोणी यांचे वतीने करण्यात येणार आहे. या कार्यक्रमासाठी नागरिकांनी मोठया संख्येने उपस्थित राहावे असे आवाहन आयोजकांतर्फे करण्यात येत आहे.