मारेगाव तालुका प्रतिनीधी:- सुरेश पाचभाई (9922862184)
सविस्तर वृत्त असे की….
मारेगाव नगरपंचायतमध्ये अजूनही धक्यावर धक्के सुरू आहे. दि. 21 फेब्रुवारीला घेण्यात आलेल्या स्वीकृत सभासदानंतर सभापती पदाच्या निवडणुकीमध्ये मोठी घडामोड घडलेली दिसून येत आहे. अध्यक्षपदाच्या निवडणुकीमध्ये जे एकमेकांच्या सोबत होते तेच विरोधात गेल्याने सभापती निवडीवेळी मोठी उलटफेर पाहायला मिळाली.
मारेगाव नगरपंचायतची सभापती निवडीसाठी दि. 21 फेब्रुवारीला विशेष सभा बोलावण्यात आली होती. यावेळी सभापतींच्या
निवडणुकीमध्ये मोठी उलटफेर होईल अशी शक्यता आधीच वर्तविण्यात येत होती आणि ती तंतोतंत खरी ठरली. नगराध्यक्ष पदाच्या निवडणुकीत शिवसेनेने काँग्रेस पक्षाला शह देत भाजपच्या मदतीने अध्यक्षपद बळकावले. आणि उपाध्यक्ष निवडणुकीमध्ये भाजपाचा गेम करण्याचा प्रयत्न केला होता. त्याची पुरेपूर परतफेड आज भाजपने केलेली दिसून येत आहे. शिवसेना आणि भाजपाची काही काळापुरती बनलेली युती मात्र सभापती निवडीवेळी दिसून आली नाही. तर वेगळेच समीकरण येथे अस्तित्वात आले आहे ज्याची चर्चा संपूर्ण महाराष्ट्रभर होणार आहेत. कारण सभापती निवडणूक ही बिनविरोध झाली असून चारही सभापती भाजपाचेच बनलेले आहे. यातही महत्वाचे म्हणजे या सभासदांच्या नावाला काँग्रेसच्या सभासदांनी सूचक आणि अनुमोदन दिलेले आहेत. एकीकडे राज्यात एकमेकांच्या विरोधात असलेले भाजप आणि काँग्रेस मारेगाव शहरात मात्र शिवसेनेला दूर ठेवण्यासाठी नकळत एकत्र आलेले दिसत आहे.
शिवसेनेला दूर ठेवण्याची खेळी ठरली यशस्वी
मारेगाव नगरपंचायतच्या निवडणुकीत अध्यक्षपदासाठी भाजपने शिवसेनेला सहकार्य केल्यानंतर शिवसेनेने भाजपला सहकार्य करणे अपेक्षित असतांना मात्र शिवसेनेने वेगळी वाट चालत भाजपला अध्यक्षपदापासून दूर ठेवण्याचा प्रयत्न केला. पण तो ईश्वरचिठ्ठीवर गेल्याने अयशस्वी ठरला. आणि भाजपचा उपाध्यक्ष बनला. ही सर्व सल मनामध्ये होतीच. आणि याचाच बदला सभापती निवडीच्या वेळी दिसून आला. आणि कधी एकत्र न येणाऱ्या भाजपाला काँग्रेसनेही सहकार्य करत शिवसेनेला सभापती पदापासून दूर ठेवले.
यामध्ये बांधकाम सभापती म्हणून राहुल राठोड, महिला व बालकल्याण सभापती म्हणून हर्षा अनुप महाकुलकर, वैभव पवार – पाणीपुरवठा सभापती, सुशीला डोमाजी भादीकर- स्वच्छता व आरोग्य सभापती यांची सभापतीपदी निवड करण्यात आली. या सर्वांच्या निवडीची चर्चा मात्र सगळीकडे सुरू झालेली आहेत.
