मारेगांव तालुका प्रतिनिधी:- सुरेश पाचभाई
[9922862184]
सविस्तर वृत्त असे की.
मारेगाव तालुक्यामध्ये कुंभा परीसरात सुरु असलेल्या बेंबळा कालव्याचे सुरू असलेल्या कामांना पाणी पुरवठा करण्याकरिता जात असलेला टँकर कालव्यात पलटी झाला.यात टँकर चालक जागीच ठार झाला आहे.ही घटना दिनांक 24 मार्च रोज गुरूवारला दुपारच्या सुमारास घडली.
सध्या मारेगाव तालुक्यामध्ये बेंबळा प्रकल्पाची कामे मोठया प्रमाणावर काही भागात सुरु आहेत.
आणी या साठी प्रशासना कडून ही जोरात प्रयत्न सुरु आहेत. त्यात तालुक्यातील कुंभा व टाकळी परिसरात बेबळा कालव्याच्या कामांसाठी टँकरने पाणी पुरवठा केला जात आहे. त्याच प्रमाणे या कामांना पाणी पुरवठा करण्यासाठी पाण्याने भरलेला टँकर नेत असताना टँकर कालव्यात पलटी झाल्या मुळे चालक जागीच ठार झाला. ही घटना दिनांक 24 मार्चला गुरुवारी दुपारी 2:30 वाजताच्या सुमारास घडली आहे. व त्या अपघाता मध्ये मृत्यू झालेल्या चालकाचे नाव
शिवदास जयसिंग राठोड वय सुमारे 65 वर्ष आहे व तो रा. करंजी अशी माहिती प्राप्त झाली आहे.
या घटनेची माहिती पोलीस पाटील संगीता आदेवार यांनी मारेगाव पोलिसांना दिली. माहिती मिळताच मारेगाव पोलीस घटनास्थळी दाखल झाले. असून या घटनेचा पंचनामा करून मृतदेह शवविच्छेदन करण्यासाठी मारेगाव ग्रामीण रुग्णालयात पाठविण्यात आला आहे. व पोलीस येण्यापूर्वीच टँकर सूव्यवस्थित करून ठेवण्यात आल्यामुळे नागरिकांमध्ये उलटसुलट चर्चेला पेव फुटले आहे. याबाबतचा पुढील तपास सहाय्यक पोलीस उपनिरीक्षक ज्ञानेश्वर सावंत यांच्या मार्गदर्शनाखाली मारेगाव पोलीस करित आहे.
