प्रेरणा उपक्रमा अंतर्गत शाळा स्तरावर  तालुक्यातिल विद्यार्थांना प्रोत्साहनपर पारितोषिकांचे वितरण.

तालुका प्रतिनीधी :-झरी (जामणी) ज्ञानेश्वर आवारी
( 88059 79173)

सविस्तर वृत्त असे की..
  झरी जामणी तालुक्यात जिल्हा परिषद यवतमाळ आणि शिक्षणा फाऊंडेशन यांच्या संयुक्त विद्यमाने यवतमाळ जिल्हामध्ये सुरू असलेल्या प्रेरणा या उपक्रमांतर्गत सराव साहित्याचा उत्कृष्ट सराव करणार्‍या विद्यार्थांना शाळा स्तरावर पारितोषिकांचे वितरण करण्यात येत आहे.

या अनुषंगाने जिल्हा परिषद उच्च प्राथमिक शाळा,पाटण येथे  प्रकाश नगराळे गटशिक्षणधिकारी  यांनी आज रोजी शाळेस भेट दिली.या भेटी दरम्यान त्यांनी इयता 4 थी ते 7 वी च्या विद्यार्थांनी प्रेरणा उपक्रमांतर्गत मिळालेल्या साहित्याचा सराव कसा केला आहे,याबाबतचे मूल्यांकन केले.या मूल्यांकंतर्गत ज्या विद्यार्थांनी सराव साहित्याचा दिलेल्या सूचनासहित सराव केला आहे,अशा विद्यार्थांना पारीतोषिक देऊन सन्मानित करण्यात आले.

या प्रसंगी प्रभाकर चुक्कलवार (मुख्याध्यापक),गंगाधर पडलवार,महेश किनाके,अमोल चुकलवार,सुजाता बंडेवार, राजश्री मरापे उपस्थित होते.
यामध्ये शिक्षणा फाऊंडेशनचे विवेक कामडी यांनी विद्यार्थांचे सराव साहीत्याचे मापन तंत्र गटशिक्षणधिकारी यांना विशद केले.
प्रेरणा उपक्रमांतर्गत यवतमाळ जिल्ह्यातील मराठी माध्यमाच्या जिल्हा परिषद उच्च  प्राथमिक शाळांमध्ये इयत्ता 4 थी ते 8 वी या वर्गात शिकत असलेल्या विद्यार्थ्यांना गणित, इंग्रजी, विज्ञान  आणि मराठी या विषयांच्या सराव पुस्तिका उपलब्ध करून दिल्या होत्या. यवतमाळ जिल्ह्यातील जवळपास 78 हजार विद्यार्थ्यांचा या उपक्रमात सहभाग झाला आहे.

परितोषित वितरण प्रसंगी बोलत असताना मा. गटशिक्षणधिकारी यांनी या उपक्रमा बाबत युनायटेड वे हैदराबाद यांच्या सौजन्या बद्दल त्यांचे आभार मानले आणि शिक्षणा फाऊंडेशनला अशा नावीन्य पूर्ण उपक्रमांसाठी भविष्यात सहकार्य करण्याचे आश्वासन दिले.