यवतमाळ ग्रामीण पोलिसांची जांब येथे कारवाई
जांब येथील घनदाट जंगलामध्ये गावठी हातभट्टीची दारू गाळणाऱ्या ठिकाणी यवतमाळ पोलिसांनी धाड टाकली. यात तिघांना ताब्यात घेतले. तर 31 हजाराचा मुद्देमाल जप्त करून नष्ट करण्यात आला. सदर कारवाई दिनांक 23 डिसेंबर 2023 शनिवारला सकाळी करण्यात आली.
यवतमाळ पोलिसांना त्यांच्या गुप्तहेरांकडून माहिती मिळाली की, जांब परिसरातील जंगल भागामध्ये अवैधपणे हातभट्टीची दारू मोठ्याप्रमाणावर गाळली जात आहे. या माहितीच्या आधारे पोलीस निरीक्षक प्रकाश तुनकलवार यांच्या नेतृत्वाखाली अवैध रित्या दारू गाळणाऱ्या खरोला येथे यशस्वी मोहीम राबवून सदर मोहीम फत्ते करून दारू गाळणारे यांना घटनास्थळी रंगेहाथ पकडून त्यांचेजवळून गावठी हातभट्टीची दारू,दारूभट्टीचे साहित्य ताब्यात घेऊन कारवाई करण्यात आली.
या मध्ये संशयित आरोपी देविदास यशवंत शेडमाके रा जांब, यांचे जवळून 250 लिटर मोहामाच सडवा रसायन, लोखंडी ड्राम, जर्मन टोपले,असा एकूण 9000/- रू चा मूद्देमाल मिळाला. तर देविदास सर्यभान टेंभरे रा.खरोला.यांचे भट्टीवरील 350 लीटर मोहाचा सडवा रसायन, दारू गाळण्याचे साहित्य.असा एकूण 21000/-रू चा मुद्देमाल जप्त करण्यात आला असून शंकर नारायण सोनवणे, रा.जांब. यांचे दारूचे भट्टीवरुन 500लीटर मोहाचा सडवा रसायन .4 लोखंडी ड्राम व साहित्य असा एकूण 31000/- रू .चा मूद्देमाल जप्त व सर्व साहित्य तोडफोड करून जंगलात नाश करण्यात आले.
सदर कारवाई मा.पो.अधिक्षक डॉ.पवन बनसोड,अतिरिक्त पो.अधिक्षक पियुष जगताप, मा.उपविभागीय पोलीस अधिकारी संजय पुज्जलवार यांचे मार्गदर्शनात पोलीस उपनिरीक्षक पांडुरंग कवरासे, पो.अंमलदार ज्ञानेश्वर मातकर, खूशाल राठोड, पोलिस उपनिरीक्षक प्रेमसींग चव्हाण,निलेश पातूरकर,संदिप मेहत्रे, सचिन पातकमवार,चालक पो.शी.अविनाश वाघाडे,पोलीस पाटील संजय घोडाम रा.जांब यांनी केली.
