डोर्ली येथील घटना..
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील:- डोर्ली येथील शेतामध्ये भुईमूग लागवड केली असल्याने तो शेतामध्ये जागली साठी दिनांक 8 मे रविवार रोजी रात्री सुमारे 7 वाजता जागली गेले होते पण शेतातून आज सकाळी घरी परत आले नसल्याने विलास गौरकार यांचे मोठे भाऊ सतिश गौरकार यांनी शेतामध्ये गाईचे दुध काळण्यासाठी आले असता त्यांच्या भावाचा शेतात संशयित रित्या मृत्यूदेह आढळल्याची खळबळजनक घटना डोर्ली येथे आज 9 मे 2022 रोजी सकाळी सुमारे 7 वाजताच्या दरम्यान उघडकीस आली. विलास करनुजी गोहोकर वय सुमारे 50 वर्ष रा.डोर्ली असे मृतकाचे नाव आहे.
प्राप्त माहिती नुसार मृतक विलास गोहोकर यांचे कडे डोर्ली गावालगत 4 एकर शेतजमीन आहे.
मृतकाचे गळ्यावर आवळल्या सारखे वळ दिसल्याने घातपाताची शक्यता वर्तविली जात आहे.डोर्ली परिसरात खळबळ उडाली आहे. विलास यांचा घातपात केला असल्याचा संशय कुटुंबीयांनी केला असुन.
या घटनेची माहिती मारेगाव पोलीसांना देण्यात आली असता माहिती मिळताच पोलिस घटनास्थळी दाखल होवून घटनेचा पंचनामा करून मृतदेह उत्तरीय तपासणीसाठी मारेगाव ग्रामीण रूग्णालयात पाठवण्याची प्रक्रिया सुरू होती. या घटनेचा पुढील तपास मारेगाव पोलिस करत आहे. विलास गौरकार यांच्या पश्चात एक मुलगा व एक मुलगी , भाऊ असा आप्त परिवार त्यांचा पाठीमागे आहे.
