वेगाव येथील घटना.
मारेगांव तालुका प्रतिनिधी:- सुरेश पाचभाई
[9922862184]
वणी शहरातील बेपत्ता असलेल्या इसमाचा मृतदेह आज दिनांक 9 मे 2022 ला संशसास्पद अवस्थेत मारेगाव तालुक्यातील वेगाव शिवारात आढळून आला आहे. यामुळे परिसरात एकच खळबळ उडाली आहे.
आज सकाळी 9 वाजताच्या सुमारास वेगाव शिवारात एका अज्ञात व्यक्तीचा मृतदेह गळफास घेऊन संशयास्पद अवस्थेत आढळून आल्याने नातेवाईकाने घटनास्थळी दाखल होवून मृतदेह मुलांनी पाहिला असता दोन दिवसांपासून बेपत्ता असलेल्या वडिलांचा मृतदेह असल्याचे दिसून आले.
वणी शहरातील सुभाषचंद्र बोस चौक येथे वास्तव्यास असलेल्या विजय उर्फ बंडू श्यामराव हेपट वय सुमारे 66 वर्ष याचा हा मृतदेह असल्याचे पोलीस तपासात दिसून आले. ते दिनांक 7 मे रोज शनिवारी दुपारपासून कुणालाही न सांगता घरातून निघून गेल्याने शरद विजय हेपट यांनी काल वणी पोलीस ठाण्यात बेपत्ता असल्याची नोंद केली होती. यानंतर आज हा मृतदेह वेगाव शिवारात आढळून आला.
या घटनेचा पुढील तपास मारेगाव पोलिस करत आहे.
