शेतकऱ्यांचे मोठ्या प्रमाणात नुकसान, पीक नेले खरडून.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील गोधणी येथे आज दुपारच्या सुमारास मुसळधार पावसाने जोरदार हजेरी लावली.नाल्याला मोठया प्रमाणात पूर आला.सतत सुरु असलेल्या पावसामुळे नाल्याला आलेल्या पुरात येथील चार शेतकऱ्याच्या शेतातील पिकात पाणी घुसुन पराठी व तुर पीक पुर्ण पने वाहून गेले आहे.
यात शेतकऱ्याचे मोठ्या प्रमाणात नुकसान झाले आहे. दिनांक 12 जुलै 2022 मंगळवारला दुपारी 3 वाजताच्या सुमारास आलेल्या पुरामुळे शेतकऱ्यावर आता दुबारा पेरणीची वेळ आली आहे. गोधनी येथील शेतकरी देवराव दादाजी घाटे, नामदेव मारोती ठेंगणे,गट नजर 103/ 2 वासुदेव मारोती ठेंगणे ,गट न 103 अ 1 वीजेय वासुदेव ठेंगणे 103 अ 1 असे नाव असुन त्याच्या शेताची पुरामुळे मोठ्या प्रमाणात नुकसान झाले आहे.
सध्या सगळीकडेच दमदार पाऊस धोधो कोसळत आहे. यात अनेक नदी आणि नाल्याना पूर आलेला आहे. असाच पुर गोधणी शेतशिवारातील नाल्यांना सुद्धा आलेला आहे. त्या मुळे शेतकऱ्याचे पीक खरडून गेली आहे. सबंधित शेतकऱ्यांना प्रशासना कडून आर्थिक मदत मिळावी अशी मागणी केली जात.आहे.
