त्याच्याकडे अशैक्षणिक कामे केंद्र प्रमुखाचा प्रभार,चार शिक्षक द्या,गावकऱ्यांची मागणी
ज्ञानेश्वर आवारी झरी जामणी
शाळा सुरु होवून तीन आठवडे झाले आहेत पण झरी तालुक्यातील शाळा व शिक्षण खऱ्या अर्थाने सुरू झाले नाही.अजूनही काही ९ शाळांसाठी शिक्षक नाही तर काही ठिकाणी एकच शिक्षक असल्याने सर्व वर्गातील एकत्र बसून शिकवण्याची कसरत करावी लागत आहे .
केंद्र शाळा म्हणून मार्की बु. शाळा परिचित आहे.शेतकरी,शेतमजूर, बलुतेदार,अलुतेदार गरिब आदिवासी दलितांचे मुलांना मोफत शिक्षण मिळावे या हेतूने या शाळेची स्थापना १९४८ साली करण्यात आली . त्या काळात आडकोली,मार्की खु.सालेभट्टी,अर्धवन,पांढरकवडा , गणेशपूर,शेकापूर,खापरी,मुच्छी या गावातील मुल मुली या शाळेत शिक्षणासाठी येत आताही तीनचार गावचे विद्यार्थी येत आहे.
दोनशेच्या वर विद्यार्थी त्यासाठी ७ शिक्षक असायचे परंतु गेल्या चारपाच शिक्षकांची संख्या घसरणीवर आहे.२०२४ या सत्रासाठी ९५ विद्यार्थी आहे.या सातही वर्गासाठी एकच शिक्षक असून मुख्याध्यापक व केंद्र प्रमुख पदाचा प्रभार आहे.ही केंद्र शाळा असून केंद्राती ९ शाळेत शिक्षक गैरहजार असल्यास डेप्युस्टेशन साठी शिक्षक नाहीत.विद्यार्थ्यांचे शैक्षणिक नुकसान होत असून या सर्व विद्यार्थ्यांचे भविष्य अंधारात आहे.
पटसंख्या व केंद्रीय वरिष्ठ प्राथमिक शाळा असल्या मुळे आणखी चार शिक्षकांची गरज आहे.शाळा व्यवस्थापन समिती,पालक व गावकरी यांनी ९ एप्रील ,७ जूलै , १५ जुलै ला शिक्षण अधिकारी जि.प .यवतमाळ यांचे शिक्षकांची मागणी केली परंतु अजूनही शिक्षक देण्यात आले नाही.लवकरात लवकर शिक्षक न दिल्यास आंदोलन करण्यात येणार असल्याचे माहिती देविदास तुरणकर सभापती शाळा व्यवस्थापन समिती यांनी दिली आहे .
