पशुधन पालकाची नुकसान भरपाईची मागणी
तालुका प्रतिनिधी:- वणी
वणी तालुक्यातील डोंगरगांव (बोलघाट) येथील शेतशिवारातील ही घटना आज दिनांक 12 सप्टेंबर 2022 सोमवारला सकाळी 8 वाजताच्या सुमारास ही घटना उघडकीस आली आहे.
शेतकऱ्यांची शेतकामाची जोमाने लगबग सुरू होताच पुन्हा परिसरात वाघाने एंट्री केल्याने शेतकरी शेतमजूरात भीतीचे वातावरण निर्माण झाले आहे.सध्या डोंगरगांव , वेगाव,परिसरातील शेतशिवारात कपाशीचे निंदण व खुरणीचे कामे जोमाने सुरू आहे त्यातच डोंगरगांव येथील शेतकरी अमर विश्वनाथ चोपणे यांच्या मालकीची कालवड ही डोंगरगांव येथील त्यांचे जंगला जवळील पडीक शेतशिवारात नेहमी प्रमाणे त्यांचा मुलगा बापू चोपणे हा पशुधन घेवुन चराईसाठी गेला होता.
अशातच दबा धरुन बसलेल्या वाघाने कालवडीवर हल्ला चढवून जागीच ठार केल्याची घटना दिनांक 12 सप्टेंबर 2022 सोमवारला सकाळी 8 वाजताच्या सुमारास शेतकरी स्वतःच्या शेतात जनावरे चारत असताना वाघाने हल्ला केला व गाईला ओढत नेत ठार केल्याचे निदर्शनास येताच घटना उघडकीस आली. पशुधन मालकाने त्वरीत वन विभागाला घटनेच्या संदर्भात माहिती दिली.
बातमी लिहीपर्यंत वन विभागाचे कर्मचारी घटनास्थळी दाखल झाले नव्हते शेतकरी पशुधन मालक अमर विश्वनाथ चोपणे यांच्या मालकीची कालवड असल्याची माहिती प्राप्त झाली आहे.कालवडीचा वाघाने पडशा पडल्याने शेतकऱ्याचे मोठे नुकसान झाले आहे. वाघाच्या हल्ल्यात कालवड ठार झाल्यामुळे लवकरात लवकर नुकसान भरपाई द्यावी अशीही मागणी.
शेतकरी व पशुपालक अमर विश्वनाथ चोपणे यांनी केली आहे. परिसरात शेतीचे काम जोमाने सुरू आहे त्या मुळे वन विभागाने त्वरित वाघाचा बंदोबस्त करावा असे नागरिकांकडून बोलल्या जात आहे.
