– मारेगाव येथील घटना
सुरेश पाचभाई मारेगाव,
मारेगाव येथील राज्य महामार्गावरील शेतकरी सुविधा केंद्राजवळ एका भरधाव वेगातील दुचाकीस्वाराने पादचारी व्यक्तीस जबर धडक दिली. या मध्ये तो व्यक्ती गंभीर जखमी झाल्याची घटना आज दिनांक 22 नोव्हेंबर 2023 रोज बुधवारला सकाळी 9 वाजताच्या सुमारास घडली.
पुंडलिकराव दत्ता सालवटकर वय सुमारे 62 वर्ष रा.मारेगाव असे अपघातात गंभीर जखमी झालेल्या इसमाचे नाव असुन दुचाकीस्वार हा युवक तालुक्यातील गोधनी येथील रहिवासी असल्याची माहिती आहे.पुंडलिकराव हे आज सकाळी वणी – यवतमाळ रस्त्यावरून पायदळ जात असताना करणवाडी कडुन येणाऱ्या एका भरधाव वेगातील दुचाकीस्वाराने पुंडलिकराव यांना जबर धडक दिली.
या मध्ये पुंडलिकराव हे गंभीर जखमी झाले आहे.अपघात होताच रस्त्यांनी ये-जा करणाऱ्या नागरिकांनी व त्यांच्या घराजवळील काही लोकांनी त्यांना लगेच मारेगाव येथील ग्रामीण रूग्णालयात दाखल केले तेथील डॉक्टरांनी प्रथम उपचार करून त्यांना पुढील उपचारासाठी चंद्रपूर येथे स्थलांतरीत केल्याची माहिती आहे.या घटनेचा पुढील तपास मारेगाव पोलीस करत आहे.
