पाहता पाहता झाला गाडीचा कोळसा.
सुरेश पाचभाई मारेगांव : राजुरा येथुनआपल्या नातेवाईकांना भेटायला चारचाकी घेऊन चाललेल्या गाडीने अचानक पेट घेतला आणि पाहता पाहता गाडीचा कोळसा झाला. ही घटना आज दिनांक.25 फेब्रुवारी 2023 रोज शनिवारला दुपारी 12:30 वाजताच्या सुमारास घडली.
राजुरा येथील बालाजी संभाजी लिपटे हे आपली चारचाकी रिनॉल्ट कंपनीची पल्स आर एक्स एल MH 14 – EU 1963 हिने राजुरा येथून वरोरा मार्गे मारेगाव तालुक्यातील मुकटा येथे यावयास निघाले. येत असतांना मार्डा मुकटा दरम्यान असलेल्या वर्धा नदीवरील डॅमवर यांचे चारचाकी वाहन आले असता या वाहनाने अचानक पेट घेतला.
गाडीने पेट घेतला तेव्हा गाडीमध्ये एकूण दोघे जण बसले होते. अचानक घडलेल्या या घटनेने प्रसंगावधान साधून गाडी बंद करून तात्काळ गाडीमधून बाहेर पडले. आणि समोरील अनर्थ टळला. परंतु लागलेल्या या आगीने मात्र वाहन पूर्णपणे जळून खाक झाले असून यात वाहणाचे अतोनात नुकसान झालेले आहे.
सध्या उन्हाळा सुरु झाला असून अति उष्णतेमुळे वाहनांना आग लागण्याचे प्रमाण वाढणार आहे. अशातच वाहनधारकांनी वेगावर नियंत्रण ठेऊन वाहणाची व स्वतःची काळजी घ्यावी असे आवाहन करण्यात येत आहे.