वरोरा जवळील घटना वणी येथील दोन्ही डॉक्टर पती-पत्नी ठार.
तालुका प्रतिनीधी:- वणी.
In the incident near Varora, both doctor husband and wife from Vani were killed.
चंद्रपूर येथून गुढीपाडवा सण साजरा करून वणी कडे परत येत असलेल्या डॉक्टरचा कारला वरोरा शहरापासुन जवळच भरधाव ट्रकने कारला समोरासमोर जबर धडक दिली.या भीषण अपघातात वणी येथील महिला डॉक्टरचा घटनास्थळीच मृत्यू झाला तर त्यांचे डॉ.पती गंभीर जखमी झाले होते त्यांना वरोरा येथे उपचारार्थ हलविण्यात आले होते.पण उपचारादरम्यान त्यांच्या मृत्यु झाल्याची माहिती प्राप्त झाली आहे.ही घटना आज दिनांक 22 मार्च 2023 रोज बुधवारला दुपारी 3 वाजताच्या सुमारास घटना घडली आहे.
डॉ.अश्विनी गौरकार (झाडे) वय सुमारे 31 वर्ष असे मृतक महिला डॉक्टर चे नाव आहे.त्या मारेगाव शहरातील प्रसिद्ध स्त्री रोग तज्ञ डॉक्टर होत्या आणि वणी येथील रहिवासी होते.त्यांचे पती डॉ.अतुल गौरकार हे या घटनेत गंभीर जखमी झाले होते. हे पती-पत्नी आज चंद्रपूर कडून वणी कडे MH.34.AM.4240 ह्या नंबरच्या कार ने वरोऱ्या कडून वणीकडे येत असताना विरुद्ध दिशेने येणाऱ्या भरधाव ट्रक ने समोरासमोर जबर धडक दिली.
अपघात होताच रस्त्यांनी ये- जा करणाऱ्या व स्थानिक नागरिकांनी मोठ्या प्रमाणात गर्दी केली.व लगेच घटनेचे माहिती पोलिसांना देण्यात आली.व जखमींला तातडीने उपचारासाठी वरोरा येथील दवाखान्यात हलविण्यात आले पण उपचारादरम्यान डॉक्टर अतुल गौरकार यांच्या पण मृत्यु झाला आहे.
या घडलेल्या दुर्देवी घटनेने वणी- मारेगांव परीसरात व वैद्यकीय क्षेत्रात पूर्ण शोककळा पसरली आहे.तरुण डॉक्टर पती-पत्नी दाम्पत्य अचानक अपघाती मृत्यूने हळहळ व्यक्त केली जात आहे.त्यांचे चिमुकले बाळ पोरके झाले आहे.या प्रकरणाचा पुढील तपास वरोरा पोलीस करत आहे.
