*रिव्हॉल्व्हर-चाकूचा धाक दाखवून डॉक्टरची केली होती लुट.
सुरेश पाचभाई मारेगांव:-तालुक्यातील नवरगाव येथील डॉक्टर पोभास रवींद्रनाथ हाजरा वय 45 वर्षे हे प्रॅक्टिस करून घरी येत असताना रिव्हॉल्व्हर-चाकूचा धाक दाखवून त्यांचे कडून पैसे व दागिने घेऊन पसार झालेल्या लुटारूंना आज आदिलाबाद येथुन मारेगाव पोलिसांनी ताब्यात घेतले असून त्यांना अटक करण्यात आली आहे.
सविस्तर वृत्त असे की.
डॉक्टर पोभास रवींद्रनाथ हाजरा वय 45 वर्ष हे प्रॅक्टिस करून दिनांक 13 मार्च 2023 रोज सोमवारला सायंकाळी 7:30 वाजता सुमारास नवरगाव येथून मारेगाव येथे आपल्या घरी परत येत असताना राज्य महामार्गावरील नायरा पेट्रोल पंपाजवळ अज्ञात चार लूटारूंनी त्यांची स्कुटी अडवून बंदुकीच्या व चाकूच्या धाकावर त्यांना कारमध्ये कोंबून सोन्याची अंगठी,चेन सह रोख 2.5 लाख असा ऐकुन सुमारे चार लाख रूपये कीमतीचा ऐवज लुटत डॉक्टरांणा वणी पासून काही अंतरावर सोडुन पोबारा केला होता.
पोलिसांना या घटनेची माहिती मिळताच त्यांनी तत्काळ सर्वत्र सूचना देऊन नाकेबंदी केली होती.तेलंगणा पोलिसांनी अदिलाबाद येथे नाकाबंदी केली होती त्याच वेळी लुटारूंची गाडी तेथे पोहोचली,पोलिसाचे वाहन दिसताच,हे लुटारू त्या ठिकाणावरून पळकाढला पण त्या गाडीतील दोन आरोपींना पकडण्यात पोलिसांना यश आले.
व तिघेजण घटनास्थळावरून पळून जाण्यात यशस्वी झाले.त्यांना पण झाशी येथुन अटक करण्यात आली होती.अटकेतील आरोपींकडून आणखी काही गुन्हे उघडकीस येऊ शकते का,या दृष्टीने त्यांना मारेगाव पोलिसांनी ताब्यात घेतले असून अदिलाबाद पोलिसांच्या ताब्यातिल आरोपी तेथील न्यायालयीन प्रक्रिया पूर्ण करून या 4 आरोपींना आज मारेगाव पोलिसांच्या ताब्यात देण्यात आले आहे.
सादर आरोपीची स्थांनातराची कारवाई ठाणेदार राजेश पुरी,पोहवा आनंद अलचेवार,नापोका.अजय वाभीटकर,रजनीकांत पाटील, चासफो. प्रमोद जिद्दीवार यांनी पार पाडली.
