सुरेश पाचभाई मारेगाव,
मारेगाव तालुक्यातील दापोरा जवळील कोसारा फाट्याजवळ दोन दुचाकींची समोरासमोर धडक होऊन एक जण ठार तर,चार जण गंभीर जखमी झाल्याची घटना आज दिनांक १८ जून २०२४ रोज मंगळवारला रात्री 8 वाजताच्या सुमारास दापोरा च्या समोर सुदाम देव कोसारा फाट्यावर घडली.
मिळालेल्या माहितीनुसार,विचोड बोरी येथील शंकर गमे (अंदाजे वय 35) आणि त्याचा सहकारी कुणाल खीरटकर,25 हे दुचाकीने वणी वरून लग्न कार्य करून गावाकडे येत होते.याचवेळी दापोरा येथील गणेश आत्राम,30,संदीप कुडमेथे,30 आणि दापोरा येथे पाण्याच्या टाकीचे काम करणारा मिस्त्री असे तिघेजन दापोरा येथे परत येत होते. दापोरा फाट्याजवळील सुदाम देव फाट्याजवळ यांच्या दुचाकी एकमेकांना धडकल्या.या अपघातात शंकर गमे रा.वीचोडबोरी हा जागीच ठार झाला तर,चार जण जखमी झाले.
मजखमीमध्ये एक छत्तीसगडी कामगार असून जखमी इसमाना मार्डी येथील रुग्णालयात प्राथामिक उपचारास दाखल करून मारेगाव येथे रवाना करण्यात आले अशी माहिती मिळाली आहे.तर कुणाल खीरटकर याला वणी येथे उपचारासाठी हलविण्यात आल्याची माहिती आहे.सदर घटनेची माहिती मारेगाव पोलिसांना कळताच पोलीस लगेच घटनास्थळी दाखल झाले.या घटनेने विचोडबोरी येथे शोककळा पसरली. घटनेचा तपास ठाणेदार शंकर पांचाळ यांच्या मार्गदर्शनाखाली ए.एस.आय.भालचंद्र मांडवकर,पो.का.सागर दिपेवार करीत आहे.
